Mádenıet jáne sport mınıstrligi kópshilikke arnalǵan kitaphana qyzmetkerlerin Ankara qalasyndaǵy Prezıdent Ákimshiligine qarasty Ulttyq kitaphanada biliktiligin arttyrýǵa jiberýdi josparlap otyr, dep habarlaıdy Almaty-akshamy.kz
Bul týraly mınıstrliktiń baspasóz qyzmeti habarlaǵan.
Oqytý sharalary aıasynda otandyq kitaphana mamandary túrik kitaphanalarynyń jumysymen tanysyp, tájirıbe almasady. Atap aıtqanda, sırek basylymdar qorymen jumys isteý, restavrasıa tájirıbesi, kitaphanadaǵy aqparattandyrý úrdisi, zamanaýı bıblıografıalyq sharalar jáne t.b. baǵyttar boıynsha biliktilikti arttyrady.
Búginde qoldanystaǵy zańnamada belgilengen tártip boıynsha tıisti uıymdastyrý jumystary júrgizilip jatyr.
«Mádenıet jáne sport mınıstrligi jyl saıyn elimizdiń memlekettik mádenıet uıymdary qyzmetkerleriniń alys jáne jaqyn shetelderde biliktilikti arttyrý sharalaryn uıymdastyrady. Osyǵan deıin memlekettik mýzeıler men mýzeı-qoryqtardyń, mýzykalyq jáne dramalyq teatrlardyń, kostúm býtoforıasy men kostúm aksesýarlary qyzmetkerlerin oqyttyq. Búgingi kúni qazaqstandyq kitaphanalardaǵy sırek basylymdarmen jumys isteıtin jáne restavrasıa mamandarynyń biliktiligin arttyrý asa mańyzdy bolyp otyr», - dedi Mádenıet jáne sport vıse-mınıstri Nurǵısa Dáýeshov.