Memleket basshysynyń Jarlyǵymen Álıhan Asqanuly Smaıylov Qazaqstan Respýblıkasynyń Premer-Mınıstri laýazymyna taǵaıyndaldy.
Buǵan deıin Prezıdent Qasym-Jomart Toqaev Qazaqstan Respýblıkasy Parlamenti Májilisindegi saıası partıalar fraksıalarynyń jetekshilerimen keńes ótkizdi, dep habarlaıdy Almaty-akshamy.kz Aqordaǵa silteme jasap.
Kezdesýde Memleket basshysy, Konstıtýsıanyń 44-babyna sáıkes, Premer-Mınıstr laýazymyna usynylatyn kandıdatýra jóninde fraksıa basshylarymen keńesýi tıis ekenin aıtty. Talqylaýǵa «Amanat» partıasy fraksıasynyń jetekshisi Elnur Beısenbaev, «Aýyl» partıasy fraksıasynyń jetekshisi Anas Baqqojaev, «Aq jol» partıasy fraksıasynyń jetekshisi Azat Perýashev, «Respublica» partıasy fraksıasynyń jetekshisi Aıdarbek Hodjanazarov, Qazaqstan Halyq partıasy fraksıasynyń jetekshisi Magerram Magerramov, Jalpyulttyq sosıal-demokratıalyq partıasy fraksıasynyń jetekshisi Asqat Raqymjanov qatysty.