Kitap – adam jan dúnıesiniń rýhanı qazynasy, asyl baılyqtyń ólshemi.
«Kitap – kózi jumyqqa arzan, kózi ashyqqa marjan» demekshi, álemniń barlyq asyly kitapty súıetin adamǵa syı retinde beriledi. Kitap oqý tek rýhanı azyq emes, sonymen qatar adam densaýlyǵyna tikeleı áser etedi. Zertteýlerge súıensek, kóp kitap oqý tek qana bilim bermeı adamnyń densaýlyǵyna da kóptegen paıdasyn tıgizedi eken. Ár bulshyq etti shynyqtyryp, jetildirip otyrǵan saıyn adamnyń fızıkalyq jaǵdaıy jaqsaryp, densaýlyqqa jaqsy sep tıgizedi. Ár jattyǵýlar saıyn jańa múmkinishilikter artyp, kúsh kóbeıip otyrady. Eger jattyǵýlar múldem jasalynbaıtyn bolsa, bulshyq etter qyzmet jasamaıtyn bolsa arty jaǵymsyz nátıjelerge ákeledi. Sol tárizdi adamnyń mıy da jattyǵýlardy qajet etedi. Al kitap oqý – mı úshin eń qajet jattyǵýlardyń biri. Ár kitapty zeıin qoıyp oqyǵan saıyn adam stresstik jaǵdaılardan arylyp, tynyshtyqqa bólenedi, jáne de kitapty kóp oqyǵan adamdar alsgeımer, umytshaqtyq tárizdi aýrýlarǵa dýshar bolý paıyzy tómendeıdi. Kitapty kóp oqyǵan adamnyń sózdik qory kóbeıip, este saqtaý qabileti ájeptáýir joǵarylaıdy.
Qazirgi tańda jahandaný zamanynda jasóspirimderdiń kitap oqýǵa degen nıetteri tómendep bara jatyr, ár túrli gadjetterdiń, balanyń nazaryn aýlaıtyn elektrondy dúnıelerdiń kesirinen oqýshylardyń kitapqa degen qyzyǵýshylyqtary tómendeýde. Jasóspirimderdi kitap oqýǵa baýlý, álemdik jáne qazaq jazýshylarynyń shyǵarmalarymen tanystyrý maqsatynda Almaty qalasy, Naýryzbaı aýdany, №176 mektep-gımnazıasynda aǵylshyn tili onkúndigi aıasynda 8-synyptar arasynda «Reading in our life» atty synyptan tys is-shara ótkizildi. İs-shara oqýshylardyń qyzyǵýshylyqtaryn arttyrý maqsatynda saıys formatynda ótkizildi. Saıys barysynda kirispe retinde kitap týraly qyzyqty aqparattar, qazaq jáne aǵylshyn tilindegi maqal-mátelder, berilgen maqaldardyń maǵynasyn ashý syndy tapsyrmalar, oqýshylardyń kitap oqýǵa degen kózqarastary, súıikti shyǵarmalary syndy taqyryptar talqylandy. Saıysqa qatysqan oqýshylar: 8 «A» synyp oqýshylary – Bektursyn Erásil, Mombaı Syrym, Tohtamys súıenish, 8 «Á» synyp oqýshylary – Amangeldi Ádil, Karjasova Aıdana, 8 «G» synyp oqýshysy – Janseıit Danıel, 8 «D» synyp oqýshylary – Jalǵasova Aızere, Abdýllaeva Arýjan. Saıys tolyqtaı aǵylshyn tilinde júrgizilip, jalpy 5 kezeńnen turdy. Topqa bólý sýretterdiń bólikterin biriktirý arqyly júzege asyryldy. Alǵashqy kezeńde oqýshylar toptyń ataýyn jáne uranyn oılap taýyp, qorǵady. Maqal-mátelderdi aıaqtaý, berilgen shyǵarmalardy avtorlarymen sáıkestendirý, kitap janrlary boıynsha sózderdi qurastyrý jáne suraqtarǵa jaýap berý sıaqty kezeńderden turdy. Oqýshylar belsendi túrde qatysyp, aǵylshyn tilinde óz oılaryn erkin jetkize bildi. Saıys barysynda oqýshylar ár kezeń saıyn stıkerler arqyly baǵalandy.
İs-sharaǵa mektep-gımnazıa dırektory Nýrjamal Esırkepovna dırektordyń oqý isi jónindegi orynbasary Kalıa Ýalıbekovna, aǵylshyn tili birlestiginiń jetekshisi Janna Abzalovna jáne aǵylshyn tili páni muǵalimderi qatysty.
Kórermen retinde qatysýshylarǵa da qyzyqty suraqtar qoıylyp, is-sharaǵa belsendi túrde aralasty. Mektep-gımnazıa dırektory is-shara boıynsha óz oıyn bildirip, joǵary deńgeıde ótkizildi degen baǵa berdi. Oqýshylardyń aǵylshyn tilinde erkin sóılep, belsendi túrde kez kelgen tapsyrmany jedel oryndaýlaryn erekshe atap ótti. Jalpy is-shara óz maqsatyna jetip, oqýshylardyń rýhanı azyǵyn arttyrdy. Barlyq qatysýshylar mektep-gımnazıa dırektory atynan dıplommen marapattaldy.