Kitap patshalyǵyndaǵy mereke: Almatyda qala kúnine oraı aýqymdy kitap festıvali ótti.
9 qyrkúıekte Almatyda BAURZHAN foundation qory uıymdastyrǵan Kitap Fest Almaty kitap festıvali ótti. Qazaqstannyń halyqaralyq deńgeıdegi alǵashqy kitap festıvali bolyp tabylatyn mádenı-buqaralyq is-shara Almaty qalasy ákimdigi Mádenıet basqarmasynyń jáne Almaty qalasynyń ortalyqtandyrylǵan kitaphana júıesiniń qoldaýymen 2014 jyldan bastap jyl saıyn ótkizilip keledi, dep habarlaıdy Almaty-akshamy.kz.
BAURZHAN qorynyń quryltaıshysy, kitap festıvaliniń negizin qalaýshy Juldyz Omarbektiń aıtýynsha, Kitap Fest-shyǵarmashyl jáne daryndy adamdarǵa arnalǵan biregeı alań. Bıyl qala kúnine tuspa-tus kelgen Kitap Fest Almaty festıvaliniń taqyryby: «Ulttyq ádebıet. Ulttyq til. Ulttyq dástúrler».
«9 jyl ishinde Kitap Fest almatylyqtar úshin eń súıikti sharaǵa aınaldy. Elorda kúnine oraı biz shilde aıynda kitap festıvalin Astana qalasynda ekinshi ret ótkizdik. Oqý mádenıetin ilgeriletýge arnalǵan bizdiń festıvál, jazýshylar men olardyń oqyrmandary úshin biryńǵaı alań quryp, balalar men jastar arasynda kitapqa degen qyzyǵýshylyqty arttyrý bolyp tabylady. Kitap festıvali-qazaqstandyq jazýshylarmen kezdesýlerden bastap balalarǵa arnalǵan tanymdyq sheberlik sabaqtaryna deıingi ınteraktıvti orta. Biz halyqty oqýǵa tartý, kitaptyń, mádenıet pen bilimniń mańyzyn arttyrý, qazaqstandyq jazýshylar men olardyń ádebı shyǵarmalaryn nasıhattaýǵa járdemdesý úshin jumys istep jatyrmyz», - dep atap ótti Kitap Fest kitap festıvaliniń bas úılestirýshisi Maıra Áljanova.
Almaty kitap festıvali kitap súıer qaýym úshin aýqymdy baǵdarlama daıyndady: otandyq jazýshylar jańa kitaptaryn tanystyrdy. «Offlaın kitaptar týraly» shatyrynda tanymal jazýshylar, qoǵam qaıratkerleri men blogerler pikir almasty. Almatylyqtarǵa ılústrasıalanǵan kitap kórmesi, sheberlik synyptary, túrli baıqaýlar men aksıalar, Qazaqstannyń iri baspalary men kitap dúkenderiniń jármeńkesi usynyldy. Baspagerler jáne kitap dúkenderi óz ónimderin kórmede 30% - ǵa deıingi jeńildikpen satty. Bıylǵy jyly kitap festıvalinde 50-den astam kitap dúkenderi men baspalar óz ónimderin usyndy. 28 jańa kitaptyń tusaýy kesildi.
Festıválde 40-qa jýyq pikir kóshbasshylary sóz sóıledi: Dosym Sátbaev, Dildár Mamyrbaeva, Eldos Toqtarbaı, Beıbit Sarybaı, Smaǵul Elýbaı, Abylaı Iýsýpov, Muhamedjan Tazabek jáne basqa da kóptegen tanymal tulǵalar qazirgi ádebıettegi úrdis jaıly sóz qozǵady. Sondaı-aq, jazýshylar «Meniń alǵashqy ertegilerim», «Kak osedlat edınoroga?», «Tarmaqtar» jáne basqa da jańa kitaptardyń tusaýkeseri ótti.
Belgili qazaqstandyq qoǵam qaıratkeri, saıasattanýshy, pýblısıs, baspager Dosym Sátbaev Pavel Koktyshev jáne Álim Hamıtovpen birge «Kak osedlat edınoroga?» kitabynyń tusaýyn kesti. Onyń pikirinshe, onjyldyqta Kitap Fest shyǵarmashyl tulǵalar men kitapsúıer úshin bedeldi jáne qýatty alańǵa aınaldy.
«Jańa Qazaqstanǵa oqıtyn jáne bilimdi jastar qajet. Sondyqtan mundaı is-sharalardy ótkizý óte mańyzdy. Kitap oqıtyn adam sana kókjıegin keńeıtedi, logıkasyn, oılaýyn damytady, este saqtaý qabiletin jaqsartady. Osy rette, Kitap Fest kóptegen adamdardy biriktirip qana qoımaı, jańa múmkindikterge jol ashyp júr. Sizderge qajyrlyqpen qatar, kitap oqýdy nasıhattaý, oqý mádenıetin qalyptastyrý jolynda zor tabystar tileımin»- dedi jazýshy.
Sonymen qatar, festıvál qonaqtary ákelingen kitaptarmen almasýǵa, unaǵan kitaptardy jeńildikpen satyp alýǵa nemese olardy tolyǵymen tegin alýǵa múmkindik aldy. Bıylǵy jyly kitap festıvalinde ár túrli janrdaǵy 5000 kitap kelýshilerge tegin taratyldy.
Balalarǵa arnalǵan oıyn-saýyq baǵdarlamasynda anımatorlar, akvagrım men túrli qyzyqty baıqaýlar men vıktorınalar kelgen qonaqtarǵa tamasha kóńil-kúı syılady.
Dástúr boıynsha festıválde «Aýylǵa kitap» aksıasy ótkizildi, onda kez-kelgen oqyrman óz kitabyn ákelip, Qazaqstannyń aýyldyq kitaphanalaryna tapsyrýǵa at salysty. Bıylǵy festıválde 3 myńǵa tarta kitap jınaldy.
Aıtý kerek, Kitap Fest kitap festıvali-2014 jyldan beri jyl saıyn ótkizilip kele jatqan eń aýqymdy mádenı-buqaralyq is-shara. 9 jyl ishinde ol shyǵarmashylyq kezdesýlerdiń negizgi alańyna aınaldy, onda avtorlar men baspalardyń qatysýymen 200-den astam kitaptardyń tusaýkeseri ótip, jármeńkelerge 300-ge jýyq kitap dúkeni qatysty. Jyl saıyn kitap festıvaliniń arqasynda 5000 myń kitap tegin taratylady. QR Ulttyq memlekettik Kitap palatasynyń statısıkasy keltirsek: 2022 jyly Qazaqstanda kitaptar men broshúralardyń 4044 ataýy tirkelgen. Eń kóp kitaptar men broshúralar Almaty, Almaty oblystarynda shyǵaryldy. 1749 kitap pen broshúra tirkelgen. Elimizdegi kitaptardyń basym bóligi pedagogıka salasynda (ádistemelik quraldar, kitaptar) jaryq kórdi. Kitaptar sany 1085. Kórkem ádebıet janry boıynsha: qazaq ádebıeti-664, poezıa -166, drama -3, proza - 286.