Qazir ol ýaqytsha ustaý ızolátorynda.
24 jyl buryn adam urlaý men kisi óltirýge qatysqan 63 jastaǵy qylmysker Belgıadan Almatyǵa ákelindi, dep habarlaıdy Almaty-akshamy.kz
Almaty qalalyq İİD bastyǵy Arystanǵanı Zapparovtyń áleýmettik jelide jazǵanyndaı, 1997 jyly maýsymda Novosibirde bir azamat jerlesin urlap, óltirýge qatysqan. Urlanǵan adamdy bosatý úshin týystarynan 100 myń dollar aqsha talap etildi.
Shabýyl jasaýshylardyń bul aýyr qylmysty adamdar tobynda aldyn ala sóz baılasý arqyly jasaǵany anyqtaldy.
"Tergeý barysynda qylmysqa qatysýshylar ustalyp, olarǵa ártúrli jazalar taǵaıyndaldy.Sot organdarynan qashyp ketken olardyń birine qatysty syrttaı qamaýǵa alý túrindegi bultartpaý sharasy, sondaı-aq memleketaralyq jáne halyqaralyq izdeý jarıalandy", degen Almaty qalalyq polısıa departamenti bastyǵynyń orynbasary, polısıa polkovnıgi Qýatbek Naýatov.
İzdeýdegi azamat jalǵan derektermen Belgıada jasyrynyp júrgeni anyqtaldy. Almaty qalalyq prokýratýrasynyń kelisýimen jáne Interpoldyń kómegimen kúdikti ustalyp, Almatyǵa jóneltildi.
Buǵan deıin adam óltirdi degen kúdikke ilingen qazaqstandyq Reseıden ekstradısıalanǵan bolatyn.