Kıpr men Qazaqstan arasynda aptasyna ár taraptan 7 áýe reısi oryndalýy múmkin.
Bul týraly Azamattyq avıasıa komıtetiniń baspasóz qyzmeti málimdedi, dep habarlaıdy Almaty-akshamy.kz.
Qazaqstan Respýblıkasy Premer-Mınıstriniń orynbasary - Syrtqy ister mınıstri M.A. Nurtileý Kıpr Respýblıkasynyń Syrtqy ister mınıstri Konstantınos Kombos myrzamen resmı kezdesýi aıasynda 2024 jylǵy 25 naýryzda eki eldiń avıasıalyq bılikteri daıyndaǵan áýe qatynasy máseleleri boıynsha ózara túsinistik týraly memorandýmǵa qol qoıyldy.
Ózara túsinistik týraly memorandým ár taraptyń taǵaıyndalǵan tasymaldaýshylary aptasyna 7 reıske deıin oryndaý quqyǵyn kózdeıdi. Sondaı-aq, ár taraptan tasymaldaýshylardyń birneshe taǵaıyndalýy qarastyrylǵan.
Memorandýmǵa sáıkes qazaqstandyq áýe kompanıalary Kıpr Respýblıkasy aýmaǵyndaǵy – Larnaka jáne Pafos qalalaryna, Kıpr áýe kompanıalary Qazaqstan Respýblıkasynyń aýmaǵyndaǵy - Astana jáne Almaty qalalaryna tasymaldaýdy oryndaýǵa quqyly.
Ózara túsinistik týraly memorandýmǵa qol qoıý eki el arasyndaǵy ekonomıkalyq, iskerlik jáne týrısik yntymaqtastyqty nyǵaıtýǵa múmkindik beredi.