Budan buryn Qazaqstannyń Bas sanıtar dárigeri Erlan Qıasovtyń jańa qaýlysy shyqqanyn habarlaǵanbyz.
Bas sanıtardyń atalǵan qaýlysyna sáıkes, vaksınalaýǵa qarsy kórsetilimderdiń tizbesi bekitildi dep habarlaıdy Almaty-akshamy.kz.
Qujat boıynsha vaksına engizýge qarsy kórsetilimder mynalar:
1) vaksınanyń qandaı da bir komponentine (belsendi zattarǵa, qosymsha zattarǵa) alergıa nemese osy vaksınany aldyńǵy engizýge alergıalyq reaksıalar;
2) aýyr sozylmaly aýrýlar nemese anamnezdegi asa joǵary sezimtaldyq;
3) joǵary temperatýra nemese vaksınany bulshyqet ishine engizgen kezde paıda bolýy múmkin qan ketý táýekeline baılanysty aýrýdyń jiti fazasy;
4) júktilik jáne emizý kezeńi;
5) 18 jasqa deıingiler.
Bas sanıtardyń qaýlysynda «vaksınasıadan keıingi aýyr asqynýlar» uǵymyna anyqtama berilgen.
«Vaksınasıadan keıingi aýyr asqynýlar (anafılaktıkalyq shok, aýyr jaıylǵan alergıalyq reaksıalar, qurysý sındromy, 40°S-tan joǵary temperatýra)», - dep jazylǵan qujatta.