Almaty qymbat qalalardyń qatarynda.
Elimizde kıim-keshek pen aıaq kıim baǵasy bir jylda 10%-ǵa qymbattaǵan, dep habarlaıdy Almaty-akshamy.kz
2022 jyldyń maýsym aıynda kıim-keshek pen aıaq kıim baǵasy bir aıda 1,4%-ǵa, al bir jylda 9,7%-ǵa ósken.
Osy jyldyń 1 tamyzyndaǵy derekter boıynsha, TMD elderi arasynda eń qymbat kıim Reseıde eken. Bul elde djınsy 89,8 AQSH dollar turady. Erlerdiń bylǵary iskerlik aıaq kıiminiń baǵasy 125,2 AQSH dollar bolsa, Nike krosovkalarynyń baǵasy 109,9 AQSH dollary eken. Al, jazǵy kóılekti 55,2 AQSH dollaryna satyp alýǵa bolady.
Qazaqstanda TMD boıynsha eń tómen baǵalar bar dep aıta almaımyz. Sebebi, elimizde djınsy baǵasy 67,4 dollar eken. Erlerdiń bylǵary iskerlik aıaq kıiminiń baǵasy 81,3 AQSH dollar bolsa, Nike krosovkalarynyń baǵasy 69 AQSH dollar bolady. Jazǵy kóılek baǵasy – 33,4 AQSH dollar.
Aılyq dınamıkada Soltústik Qazaqstan, Mańǵystaý jáne Qyzylorda oblystarynda baǵalardyń óskenin ańǵarýǵa bolady.
Al, jyldyq dınamıkada Mańǵystaý oblysynyń turǵyndary kıim-keshek pen aıaq kıim baǵasynyń birden 16,5%-ǵa óskenin baıqaǵan. Antılıderler úshtigine Qyzylorda jáne Atyraý oblystary kiredi. Eń tómen baǵa Almatyda (6,3%) tirkeldi.
Maýsym aıynda erler kıimi 1,1%-ǵa, aıaq kıim 2,1%-ǵa qymbattaǵan. Al, bir jyl ishinde erler kıimi 9,1%-ǵa, aıaq kıim baǵasy 9,5%-ǵa ósken.
Erler kıim-keshegi arasynda maıkalar (14,9%-ǵa), djınsy (10,7%-ǵa), sporttyq kostúmder (10%-ǵa), fýtbolkalar (9,8%-ǵa), shulyqtar (9,7%-ǵa), qysqy kúrtesheler (8,7%-ǵa), jeıdeler (8,2%-ǵa), jel kúrtesheleri (7,9%-ǵa), maýsymdyq palto (6,7%-ǵa), jempirler (5,4%-ǵa), shalbarlar (5,2%-ǵa) baǵalary qymbattaǵan.
Bir jyl ishinde erler aıaq kıiminiń baǵasy da ózgeriske ushyraǵan. Mysaly, sandaletter men jazǵy týflı (11,6%-ǵa), qysqy etik (10,4%-ǵa), eresekterge arnalǵan úı aıaq kıimi (9,8%-ǵa), maýsymdyq jáne qysqa báteńke (8,9%-ǵa), týflı (8,1%-ǵa), krosovkalar (7,9%-ǵa) baǵalary ósken.
Áıelderdiń syrtqy kıim baǵasy bir aıda 1,3%-ǵa, bir jylda 8,9%-ǵa ósken. Al, aıaq kıim baǵasy bir aıda 1,4%-ǵa jáne bir jylda 9,5%-ǵa kóterilgen.
Jyldyq dınamıkada kóılekter bir jylda birden 11,9%-ǵa, fýtbolkalar 11,2%-ǵa, qysqy kúrteler 10,8%-ǵa, blýzkalar, sporttyq kostúmder 8,8%-ǵa, shalbar men kolgotkıler 8,7%-ǵa qymbattaǵan. Budan basqa palto, halat, úlbir tondar, djınsy jáne t.b. kıim-keshek túrleriniń baǵasy da kóterilgen.
Bir jylda aıaq kıim arasynda bylǵary sandalııler (12,5%-ǵa), qysqy etik pen báteńke (10,2%-ǵa), maýsymdyq etik pen báteńke (8,8%-ǵa), ókshesi tómen bylǵary týflı (8,4%-ǵa), krosovkalar (2%-ǵa) baǵalary ósken.
Balalarǵa arnalǵan kıim-keshek pen aıaq kıim baǵasy da qymbattaǵan. Syrtqy kıim baǵasy bir aıda 1,1%-ǵa, al bir jylda 9%-ǵa ósse, aıaq kıim baǵasy bir aıda 1,9%-ǵa, bir jylda 14,7%-ǵa kóterilgen.
Bir jylda fýtbolka (12,8%), pıjama (11,9%), shulyqtar men gólfıler (10,9%), mektep jasyndaǵy balalarǵa arnalǵan maýsymdyq kúrtesheler (10,5%), qysqy kombınezondar (10,3%) baǵasy qymbattaǵanyn baıqaýǵa bolady. Budan bólek mektep jasyndaǵy balalarǵa arnalǵan qysqy kúrtesheler (9,7%), djınsy (9,3%), shalbar (9,1%), kolgotkı (8,6%), ul balalarǵa arnalǵan jeıdeler (8,5%), sporttyq kostúmder (7,9%) baǵasy da kóterilgen.
Balalar aıaq kıiminiń baǵasy da qymbattaǵan. Qysqy balalar etigi men báteńke (15,9%), krosovkalar (15%), jazǵy sandalııler men týflı (13,4%), balalar maýsymdyq aıaq kıimi men qysqa aıaq kıim (13%), qyzdarǵa arnalǵan týflı (9,7%) baǵalary ósken.