Internet keńistiktiń damýymen kıberqylmys ta qarqyn alyp jatyr.
Alaıaqtar aqparattyq tehnologıalardy qoldana otyryp, azamattardy túrli tásildermen aldaýǵa tyrysyp jatqandary málim. Kıberqylmyskerlerdiń quryǵyna túspeý úshin ne isteý kerek? Polısıa saqtyq sharalaryn eske salady, dep habarlaıdy Almaty-akshamy.kz.
– Bank nemese quqyq qorǵaý organdary qyzmetkerleriniń nesıe rásimdeý, múlikti satý nemese aqshany qaýipsiz shottarǵa aýdarý, qandaı da bir baǵdarlamalar ornatý týraly “telefon” nusqaýlaryna ermeńiz. Bank pen quqyq qorǵaý organdarynyń qyzmetkerleri arnaıy operasıalardy telefon arqyly júrgizbeıdi.
– Ózin bank nemese quqyq qorǵaý organdarynyń qyzmetkeri dep tanystyrǵan bógde adamdar qońyraý shalǵan kezde tutqany qoıyp, sizge qyzmet kórsetetin banktiń senim telefonyna nemese polısıaǵa qońyraý shalý qajet.
– Ózińiz týraly jeke málimetti, plasıkalyq kartalardyń derektemelerin, aýdarymdar týraly túbirtekterdi, kodtar men qupıa sózderdi eshkimge bermeńiz.
– Belgisiz jáne tekserilmegen saıttarǵa senbegen abzal. Tekserýsiz aldyn ala tólem jasamańyz. Taýardy alǵannan keıin ǵana tólem jasaý týraly kelisýge tyrysyńyz.
– Kúmándi kelisimder boıynsha aqsha aýdarymdaryn jasamańyz.
– Qosymshalardy ornatý úshin App Store jáne Play Market syndy resmı baǵdarlamalardy paıdalanyńyz.
– Bank qosymshalaryna kirý parólderin únemi ózgertip otyryńyz, 3D-qorǵanysty jáne basqa da qaýipsizdik sharalaryn qoldanyńyz.
– Shottaryńyzdaǵy aqsha aınalymyn jıi tekserip otyryńyz.