Kıberbýllıngtiń sharıǵı úkimi qandaı?

Kıberbýllıng – bul ınternet nemese basqa da áleýmettik jeli, uıaly telefon arqyly bireýdi qorqytý, kemsitý, qorlaý.

Qazaqstan musylmandary dinı basqarmasy kıberbýlııngtiń sharıǵı úkimi qandaı ekenin aıtty, dep habarlaıdy aqshamnews.kz.

QMDB keltirgen derek boıynsha: Sharıǵatta bireýdi qorqytýǵa, qorlaýǵa, mazaq etýge, aıybyn ashýǵa, kemsitýge tyıym salynǵan. 

«Ýa, ıman keltirgender! Eshbir qaýym ekinshi bir basqa qaýymdy mazaq etpesin! Bálkim, solar (mazaq etkenderi) ózderinen qaıyrly bolar. Áıelder de basqa áıelderdi (mazaq etpesin) bálkim, solar (mazaq etkenderi) ózderinen qaıyrly bolar. Sondaı-aq óz-ózderińdi dattamańdar ári bir-birińe jaman laqap taqpańdar ...», - delingen Quranda. 

Paıǵambarymyz (oǵan Allanyń salaýaty men sálemi bolsyn) bylaı deıdi: 

«Musylman úshin musylman baýyryn ózinen tómen sanaýdan (kemsitý, qorlaý) asqan jamandyq joq. Musylmannyń qany, dúnıe-múlki jáne ar-namysy ózge musylmandarǵa – haram». Taǵy bir hadıste: «Musylmannyń musylmandy qorqytýy – halal emes», – degen.

Ás-Sáfáraını bylaı deıdi: «Kimde-kim joldastary men dostarynyń birin jek kórse nemese mazaq etse ne múmınniń birin qorlasa, kemsitse ashyq kúná jasapty».

Sondyqtan kıberbýllıngke jáne býllıngtiń kez kelgen túrine (sóz formasyndaǵy býllıng, kúsh kórsetý arqyly qorqytý, relásıon tyıym salynady.

1. Kıberbýllıngke jáne býllıngtiń kez kelgen túrine sharıǵat turǵysynan qatań tyıym salynady.
2. Áleýmettik jeli, uıaly telefon arqyly jalǵan aqparat taratý, ony bólisý, sondaı-aq bireýdi balaǵattap, qorlap jazba qaldyrý jáne oǵan ortaqtasyp «laık» basý – kúná is.
3. Bireýdiń jeke jazbalaryn, sýretterin, beınejazbalaryn shyǵaramyn dep qorqytý, bireýdiń dinin ne mádenıetin kemsitý jáne t.b. kıberbýllıngtiń túrlerine tyıym salynady.