Qazaqstandyq mergender Ásem Orynbaı men Edýard Eshenko stendtik atý týrnıriniń aralas juptyq saıysynda altyn medal jeńip aldy, dep habarlaıdy Almaty-akshamy.kz.
"Skıt" jattyǵýynyń fınalynda qazaqstandyqtar Kýveıtten kelgen qarsylastarynan ozyq boldy.
Bul Azıadadaǵy elimizdiń ulttyq quramasy qorjynyna túsken úshinshi altyn medal. Esterińizge sala keteıik, keshe Ásem Orynbaı, Zoıa Kravchenko jáne Olga Panarınadan jasaqtalǵan Qazaqstannyń áıelder komandasy "skıt" jattyǵýynda altyn medal jeńip alyp, Azıa oıyndarynyń rekordyn ornatty. Al jekeleı synda Ásem Orynbaı qola júldege ıe boldy.
Bizdiń mergender taǵy da keremet nátıje kórsetti! Sportshylardy, jankúıerlerdi jáne, árıne, komandanyń jattyqtyrýshylar shtabyn osy jeńispen quttyqtaımyn. Búkil el mergenderimizben maqtanady. Bul jeńis myńdaǵan qazaqstandyq jetkinshekterdi osy sport túrimen aınalysýǵa shabyttandyratynyna senimdimin, - dedi QR Týrızm jáne sport mınıstri Ermek Marjyqpaev.