Turǵyndardy qýantqan saltanatty sharalar legi jalǵasyp jatyr.
Almaty qalasynda Medeu city TÚK ornalasqan 20 úıde halyqtyń áleýmettik osal tobyna jatatyn taǵy da 86 janǵa páter kilti tabystaldy, dep habarlaıdy Almaty-akshamy.kz
Esterińizge sala keteıik, bıyl 25 mamyrda alǵashqy 124 kezekte turǵandarǵa jańa páterlerdiń kilti tabystaldy, al 28 mamyrda bul tizimge taǵy 164 adam qosyldy, 30 mamyrda kezekte turǵan 105 jan baspanaly bolsa, endi kezekte turǵan tórtinshi lekten 111 adamǵa 5 maýsymda baspana buıyrdy.
«Almaty qalasynyń ákimi Erbolat Dosaevtyń tapsyrmasymen 2024 jyly halyqtyń áleýmettik osal tobynyń tizimi boıynsha kezekte turǵan azamattarǵa kezektilik tártibimen qalanyń komýnaldyq turǵyn úı qorynan eki myń jalǵa beriletin páter berý josparlanǵan, onyń 400-i jetim balalarǵa beriledi. Sondaı-aq, páterlerdi basqa adamdarǵa jalǵa berýge jáne qaıta josparlaýǵa bolmaıdy. Jańa páterlerdiń kiltin berý boıynsha is-sharalar jalǵasady jáne jaqyn arada taǵy júzdegen kezekte turǵan jan jańa turǵyn úıge qonystanady», - dedi Almaty qalasy Komýnaldyq ınfraqurylymdy damytý basqarmasy basshysynyń orynbasary Ǵalymjan Ábdishúkiruly.
Jańa páter ıeleri bul kópten kútken úlken qýanysh ekenin atady.
Úsh uldyń anasy Aıman Nurtaeva emosıasyn jasyrmady.
«Men óte rızamyn, qýanyshtymyn. Bul sátti uzaq kúttik, 2011 jyly kezekke turdyq. Biz úshin bul úlken qoldaý», - dedi Almaty qalasynyń turǵyny Aıman Nurtaeva.