Zańda organıkalyq óndiriske kóshý sharttary belgilengen.
Toqaev elimizdegi organıkalyq ónimderdi tańbalaý týraly zańǵa qol qoıdy, dep habarlaıdy Almaty-akshamy.kz Aqordaǵa silteme jasap.
"Memleket basshysy "Qazaqstan Respýblıkasynyń keıbir zańnamalyq aktilerine organıkalyq ónim óndirisi jáne aınalymy máseleleri boıynsha ózgerister men tolyqtyrýlar engizý týraly" Qazaqstan Respýblıkasynyń Zańyna qol qoıdy", delingen qujatta.
"Organıkalyq ónim óndirisi jáne onyń aınalymy týraly" jáne oǵan ilespe "Qazaqstan Respýblıkasynyń keıbir zańnamalyq aktilerine organıkalyq ónim óndirisi jáne onyń aınalymy máseleleri boıynsha ózgerister men tolyqtyrýlar engizý týraly" zańdar organıkalyq ónim salasyndaǵy zańnamany jaqsartýǵa, ishki naryqty damytý maqsatynda óndirýshilerdi osyndaı taýar jasaýǵa yntalandyrýǵa jáne shetelde básekege qabilettilikti nyǵaıtýǵa baǵyttalǵan. Zańdarda organıkalyq óndiriske kóshý sharttary belgilengen, ónim óndirýge, tańbalaýǵa jáne aınalymǵa qoıylatyn talaptar aıqyndalǵan, sondaı-aq esepke alý jáne baqylaý júıesi jasalǵan.