Onyń aıtýynsha, Prjevalskıı jylqysyn reıntrodýksıalaý úshin neǵurlym qolaıly jer retinde Qostanaı oblysynda ornalasqan «Altyn dala» memlekettik tabıǵı rezervatynyń aýmaǵy aıqyndaldy. Bul sheshim Qazaqstanda tuıaqty janýarlardy qaıta jersindirý boıynsha qalyptasqan tájirıbeni, sondaı-aq Halyqaralyq tabıǵatty qorǵaý odaǵynyń usynystary men múddeli ǵylymı uıymdardyń mamandarynyń keńesterin eskerilip qabyldandy.
«Memlekettik tabıǵı rezervat Qazaqstan Respýblıkasy Úkimetiniń qaýlysymen 2012 jyly quryldy. Rezervat aýmaǵy 490 myń gektardy quraıdy. Rezervat aýmaǵynda jylqylardy jersindirý sharalarynyń aıasynda rezervattyń materıaldyq-texnıkalyq bazasy kúsheıtildi jáne arnaıy voler ornatyldy. Kelissózder qorytyndysy boıynsha alǵashqy jylqy tobyn, 7-8 bas alyp kelý aǵymdaǵy jyldyń maýsym aıyna josparlanǵan. Prjevalskıı jylqylaryn qorǵaý jáne olardyń sanyn kóbeıtý jónindegi birlesken jumysymyz nátıjeli bolatynyna senimdimin», – dedi spıker.