98 naýqas aýrýhanaǵa jatqyzyldy
Túrkistan oblysyndaǵy dámhanalardyń birinde sońǵy eki aıda 167 adam astan ýlanǵan. Mekeme basshylyǵyna qatysty is qozǵaldy, dep habarlaıdy Almaty-akshamy.kz.
Atalǵan fast-fýd ortalyǵy qazir jabyq tur. Jurt jappaı aýrýhanaǵa túsken soń, polısıa basqarmasy men SES mamandary dámhanany jospardan tys teksergende nysannyń sanıtarlyq qujaty túgili, aspazdarynyń medısınalyq kitapshasy bolmaı shyqty. Bir qyzyǵy, tamyz aıynda ǵana dál osy dámhanadan tamaq ishken segiz adam ýlanyp aýrýhanaǵa túsken eken. Biraq ol kezde bul jáıt eshkimdi selt etkizbegen. Endi polıseıler qylmystyq is qozǵap, tergeý júrgizip jatyr. Al astan ushynǵan 167 adam qazan aıynyń 6-9 aralyǵynda tamaqtanypty, delingen KTK telearnasynyń sújetinde.
"Jalpy 145 naýqas kelip tirkeldi. Onyń 98-i aýrýhanaǵa jatqyzyldy. 47 naýqas ambýlatorlyq emge jiberildi. Túrkistan qalasyna 31 naýqas jatqyzyldy. Kentaý qalasyna – 67 naýqas. Onyń ishinde bes júkti áıel men 33 bala bar. Báriniń jaǵdaıy ortasha aýyrlyqta. Búgin jaǵdaıy jaqsarǵan naýqastar úıine shyǵarylady", - dedi Túrkistan oblysy qoǵamdyq densaýlyq basqarmasy basshysynyń orynbasary Altyn Dosanova.