Joba 14 jeltoqsanǵa deıin qoǵam bolyp talqylaý úshin Ashyq NQA saıtynda jarıalandy.
Qabyldanǵan jaǵdaıda 2024 jyldyń 1 qańtarynan bastap kúshine enedi, dep habarlaıdy Almaty-akshamy.kz
Eńbek mınıstrligi Arnaýly kásiptik memlekettik járdemaqyny taǵaıyndaý, júzege asyrý, toqtata turý, qaıta bastaý jáne tóleýdi toqtatý qaǵıdalaryn ázirledi.
Túsindirme qujatta buıryq jobasyn qabyldaýdyń maqsaty zıandy eńbek jaǵdaılarynda jumys isteıtin qyzmetkerlerdiń jalpyǵa birdeı belgilengen zeınetkerlik jasqa tolǵanǵa deıin áleýmettik qamsyzdandyrylýyn arttyrý jónindegi tásilderdi iske asyrý ekeni jazylǵan.
Memleket basshysy 2023 jylǵy 1 qyrkúıektegi "Ádiletti Qazaqstannyń ekonomıkalyq baǵdary" atty Qazaqstan halqyna joldaýynda salalardyń damýyna eleýli úles qosýdy jáne qyzmetkerdiń densaýlyǵyna zıan keltirý dárejesin eskeretin zıandy eńbek jaǵdaılarynda jumys isteıtin jumyskerler úshin 55 jastan bastap zeınetkerlik jasqa tolǵanǵa deıin arnaýly áleýmettik tólemderdi engizý qajettigin atap ótti.
Memleket basshysynyń tapsyrmasyn oryndaý maqsatynda "Qazaqstan Respýblıkasynyń keıbir zańnamalyq aktilerine qoǵamdyq birlestikter máseleleri boıynsha ózgerister men tolyqtyrýlar engizý týraly" Qazaqstan Respýblıkasy Zańynyń jobasy sheńberinde kózdelgen zańnamalyq túzetýler ázirlendi. Búgingi tańda zań jobasy Qazaqstan Respýblıkasy Parlamenti Senatynyń qaraýynda.
Osy zań jobasyn iske asyrý úshin "Arnaýly kásiptik memlekettik járdemaqyny taǵaıyndaý, júzege asyrý, toqtata turý, qaıta bastaý, tóleýdi toqtatý qaǵıdalaryn bekitý týraly" Qazaqstan Respýblıkasy Eńbek jáne halyqty áleýmettik qorǵaý mınıstri buıryǵynyń jobasy ázirlendi.
Járdemaqyny taǵaıyndaýǵa júginý tártibi
Járdemaqylardy taǵaıyndaýǵa júginý járdemaqyǵa quqyq týyndaǵannan keıin:
Memlekettik korporasıasynyń bólimshesi arqyly júzege asyrylýy múmkin;
proaktıvti qyzmet arqyly – proaktıvti qyzmet arqyly járdemaqy taǵaıyndaý kezinde ótinish berý talap etilmeıdi.
Járdemaqy alýǵa quqyǵy bar adamdar Memlekettik korporasıanyń bólimshesine jeke basty kýálandyratyn qujatty usynady.
Qujattardy qabyldaıtyn maman "elektrondyq úkimet" shlúzi arqyly tıisti memlekettik organdar men (nemese) uıymdardyń avtomattyq júıelerine (budan ári – AJ):
"Jeke tulǵalar" memlekettik derekqory AJ-da – ótinish berýshiniń jeke basyn kýálandyratyn jáne turǵylyqty turatyn jeri boıynsha tirkelgenin rastaıtyn qujattar boıynsha;
"E-Qorǵanshylyq" AJ-da – qamqorshylyq (qorǵanshylyq) belgileý týraly qujattar boıynsha;
ESHEBJ-ne – zıandy eńbek jaǵdaılary bar jumystarda jumys isteıtin qyzmetkerdiń eńbek qyzmetin toqtatý týraly nemese zıandy faktorlardyń áserin boldyrmaıtyn basqa jumysqa aýystyrý týraly anyqtaý boıynsha;
TÓU AAJ-da – biryńǵaı jınaqtaýshy zeınetaqy qoryna mindetti kásiptik zeınetaqy jarnalaryn tóleýdi júzege asyrý kezeńin anyqtaý úshin jáne ESHEBJ-de málimet bolmaǵan jaǵdaıda, mindetti kásiptik zeınetaqy jarnalary toqtatylǵany týraly anyqtaý boıynsha;
"E-maket" AAJ-da – ótinish berýshiniń jasyna baılanysty zeınetaqy tólemderi men járdemaqy taǵaıyndaý nemese taǵaıyndaýǵa ótinish berý faktisi týraly málimetterdi naqtylaý úshin;
EDB-ǵa – banktyk shoty bolýy týraly málimetterdi naqtylaý úshin suraý salýdy qalyptastyrady.
Járdemaqy taǵaıyndaý quqyǵy týyndaǵan kezde ótinish berýshiniń uıaly baılanys abonenttik qurylǵysynyń telefon nómiri portalda tirkelgen jaǵdaıda proaktıvti qyzmet usynylady. Ótinish blankisinde kózdelgen mindettemeler men sharttardy qabyldaý, járdemaqyny alý múmkindigi týraly áleýetti ótinish berýshige onyń uıaly baılanys abonenttik qurylǵysynyń nómirine habarlama jiberiledi.
Proaktıvti qyzmetti alýǵa kelisimdi rastaý jáne mindettemelerdi qabyldaý úshin áleýetti ótinish berýshi "E-maket" AAJ ıntegrasıasy iske asyrylǵan ekinshi deńgeıdegi bankterdiń usynǵan tiziminen banktik shotty tańdaıdy jáne "E-maket" AAJ usynatyn sandardyń kombınasıasyn terý arqyly jaýap habarlama jiberedi.
Kúntizbelik úsh kún ishinde ótinish berýshiniń kelisimi bolmaǵan jaǵdaıda proaktıvti qyzmet kórsetýden bas tartylady.
Ótinish berýshiniń proaktıvti qyzmet kórsetýge kelisimin alǵannan keıin "E-maket" AAJ-ǵa áleýmettik tólem taǵaıyndaýǵa azamattardyń ótinishterin tirkeýdiń elektrondyq jýrnalynda ótinimdi avtomatty túrde tirkeý júrgiziledi.
Járdemaqy taǵaıyndaý týraly túsken ótinishter, onyń ishinde elektrondyq, ótinishter kelip túsken kúni sol jumys kúni ishinde, al jumys kúninen tys kelip túsken jaǵdaıda – ótinish kelip túsken kúnnen keıingi birinshi jumys kúni járdemaqy taǵaıyndaýǵa azamattardyń ótinishterin tirkeýdiń jáne esepke alýdyń elektrondyq jýrnalynda tirkeledi.
Ótinish berýshige uıaly baılanys abonenttik qurylǵysyna áleýmettik tólemge ótinimdi qabyldaý týraly habarlama jiberiledi.
"E-maket" AAJ-da avtomatty túrde EİM jáne járdemaqyny taǵaıyndaý (qaıta esepteý) nemese taǵaıyndaýdan bas tartý týraly sheshim jobasy qalyptastyrylady, olar járdemaqy taǵaıyndaý jónindegi ýákiletti organǵa túsedi.
Járdemaqy taǵaıyndaý jónindegi ýákiletti organ kelip túsken EİM-di qaraıdy jáne nysan boıynsha járdemaqyny EİM-ge túsken kúnnen bastap tórt jumys kúni ishinde taǵaıyndaý (ózgertý, tólemdi qalpyna keltirý, taǵaıyndaýdan bas tartý) týraly sheshim qabyldaıdy.
Bas tartý úshin negizdeme anyqtalǵanda, járdemaqy taǵaıyndaý jónindegi ýákiletti organ ótinish berýshige járdemaqy taǵaıyndaýdan (tólemdi ózgertýden, qalpyna keltirýden) bas tartý týraly habarlama jiberedi.