Úlgilik qujattardyń tizbesi de azaımaq.
Bul týraly Prezıdenttiń «Memlekettik apparattyń qyzmetin búrokratıadan aryltý jónindegi sharalar týraly» Jarlyǵynda aıtylǵan, dep habarlaıdy Almaty-akshamy.kz
2022 jyldyń aıaǵyna deıin memlekettik organdardyń keńse qaǵazyna jáne onymen baılanysty taýarlarǵa arnalǵan búdjet shyǵystary úsh esege qysqartylady.
«Keńse qaǵazyna jáne onymen baılanysty taýarlarǵa arnalǵan búdjet shyǵystaryn úsh esege qysqartýdy qamtamasyz etsin», - delingen Prezıdent Jarlyǵynda.
Jarlyq boıynsha, memlekettik aqparattandyrý obektilerinde qamtylǵan azamattar men zańdy tulǵalar týraly málimetterdi túzetýdiń ońaılatylǵan tetigi engizilmek. Sondaı-aq, memlekettik jáne memlekettik emes uıymdardyń qyzmetinde jasalatyn úlgilik qujattardyń tizbesin qysqarady. Bul qujattardyń árqaısysyn qansha merzim boıy saqtaý kerektigi kórsetilýi kerek.
«Normatıvtik quqyqtyq aktiler jobalarynyń «Ashyq NQA» ınternet-portalynda ornalastyrylǵany týraly habarlamalardy Qazaqstan Respýblıkasynyń Ulttyq kásipkerler palatasyna, jeke kásipkerlik sýbektileriniń akkredıttelgen birlestikterine, qoǵamdyq keńesterge jiberý rásiminiń avtomattandyrylýyn qamtamasyz etsin», - dep jazylǵan atalmysh qujatta.