Saılaýshy Qazaqstan Prezıdentine laıyqty tulǵany tańdaǵanyna senimdi.
Almatydaǵy №17 mektepte ornalasqan №387 saılaý ýchaskesine M.Áýezov atyndaǵy ádebıet jáne óner ınstıtýtynyń dırektory Kenjehan Matyjanov daýys berdi.
«Qazirgideı tórtkúl dúnıe teńselip turǵan shaqta qarashanyń taǵdyryn naǵyz myqtyǵa tapsyrýymyz kerek. Álemdik geosaıası jaǵdaıdy eskeretin bolsaq, elimizdiń ishki jaǵdaıyn eskeretin bolsaq, bizge, eń birinshi, birlik kerek, tutastyq kerek, yntymaq kerek. Kez kelgen dúnıeni yntymaqpen sheshýge bolady. Búgin men osy baǵytta ózimniń tańdaýymdy jasadym», - deıdi M.Áýezov atyndaǵy ádebıet jáne óner ınstıtýtynyń dırektory Kenjehan Matyjanov.