Budan buryn Maǵzum Myrzaǵalıevtyń Qazaqstan Prezıdentiniń keńesshisi laýazymynan bosatylǵanyn habarlaǵanbyz.
«Samuryq-Qazyna» ulttyq ál-aýqat qory» AQ basqarmasynyń sheshimimen jáne Prezıdent ákimshiliginiń kelisimimen Maǵzum Myrzaǵalıev «QazMunaıGaz» ulttyq kompanıasy» AQ basqarma tóraǵasy bolyp taǵaıyndaldy, dep habarlaıdy Almaty-akshamy.kz
Bul jaıynda aqparat qordyń resmı saıtynda jarıalandy.
Maǵzum Maratuly 1978 jyly 7 qarashada Almaty qalasynda týǵan. «Turan» ýnıversıtetin, Syrtqy ister mınıstrliginiń dıplomatıalyq akademıasyn, Sh.Esenov atyndaǵy Qazaq memlekettik tehnologıa jáne ınjınırıń ýnıversıtetin bitirgen.
Eńbek joly: 2001-2004 jyldary - Teńiz jáne Batys Sibir kenishterinde «MIDrillingFluidsInternational» (Schlumberger) burǵylaý eritindileri jónindegi ınjener. 2004-2007 jyldary - «MIDrillingFluidsInternational» Aqtaý fılıalynda bıznesti damytý menedjeri, óndiris jónindegi menedjer, fılıal basshysy. 2007-2010 jyldary - «QazMunaıGaz» UK» AQ «TeńizServıs» JSHS bas dırektory. 2010-2012 jyldary - «QazMunaıGaz» UK» AQ basqarýshy dırektory. 2010-2013 jyldary - «QazMunaıGaz» UK» AQ basqarma tóraǵasynyń ınovasıalyq damytý jáne servıstik jobalar jónindegi orynbasary. 2013-2014 jyldary – QR munaı gaz vıse-mınıstri. 2014-2019 jyldar – QR energetıka vıse-mınıstri. 2019-2021 jyldary – Qazaqstan Respýblıkasynyń ekologıa, geologıa jáne tabıǵı resýrstar mınıstri. 2021-2022 jyldary Qazaqstan Respýblıkasynyń Energetıka mınıstri boldy.
2022 jyldyń qańtarynan beri Prezıdent keńesshisi qyzmetin atqardy.