Endi tekseriske adam qatyspaıdy, osy arqyly aıyppul sany birneshe ese azaıady dep kútilýde.
Tekseris sany da eki ese qysqarady. Bul týraly Senatta ótken Úkimet saǵatynda Ulttyq ekonomıka mınıstri aıtty. Álibek Qýantyrovtyń deregine súıensek, elde shaǵyn jáne orta bıznestiń sany 2 mlnnan asady. Alaıda onyń 99,9%-y shaǵyn kásipkerlikke jatady. Al orta kásipkerliktiń kórsetkishi tym tómen. Endi bul olqylyqtyń ornyn memlekettik qoldaý arqyly toltyrý josparlanyp jatyr.
«Qazirgi tańda orta bıznesti irilendirý, iri bızneske aparý jáne qazirgi orta bıznestiń ókilderi, nysandary bólinbesin dep, shaǵyn bıznes orta bızneske óssin dep memlekettik qoldaý arqyly jumys jasap jatyrmyz. Onyń ishinde tıisti qoldaýdy tek qana tıimdi bızneske jáne olardyń ónimdiligi joǵary, bıznestiń ónimdiliginiń kúrdeligine qarap tıisti qoldaý kórsetiletin bolady», - dedi QR Ulttyq ekonomıka mınıstri Álibek Qýantyrov.
Otyrysta senatorlar bıznesti qoldaýǵa baǵyttalǵan sharalardyń tıimdiligine kúmánmen qaraıtynyn aıtty. Depýtat Lazzat Rysbekova, statısıka shynaıy kóriniske saı emes ekenin atap ótti. Onyń pikirinshe, memlekettik qoldaýdyń tásilderin túbegeıli qaıta qaraý qajet. Salyq máselesine qatysty da biraz suraq bar. Depýtat qosylǵan qun salyǵyn kóbeıtýdi quptamaı, máseleni tyńǵyryqty zertteýdi usyndy. Otyrys qortyndysy boıynsha, birqatar usynystar aıtylyp, Úkimetke joldandy.