Jeńildetilgen avtonesıeleý baǵdarlamasy kelesi aptada bastalady.
Ol úshin jaqynda tıisti qarajat aýdarylady, dep habarlaıdy Almaty-akshamy.kz
"Aqsha qarajatyn aýdarý boıynsha korporatıvtik rásimder júrýde. Atalǵan rásimder aıaqtalǵannan keıin qarajat FRP-ǵa jiberiletin bolady. Osy jumystardy osy aptanyń aıaǵyna deıin, ıaǵnı mamyrdyń 6-syna deıin bitiremiz", - deıdi QR Ekologıa, geologıa jáne tabıǵı resýrstar mınıstri Serikqalı Brekeshev.
Iaǵnı «Jasyl damý» kompanıasynan 100 mıllıard teńge bólinýi tıis.
Buǵan deıin nesıeleýdiń sharttary bekitilgen edi. Ol boıynsha eń joǵary qaryz kólemi - 10 mıllıon teńge. Merzimi 7 jylǵa deıin. Mólsherleme - 4 paıyz. Kólik elimizde qurastyrylǵan jáne onyń baǵasy 15 mıllıon teńgeden aspaýy kerek. Al alǵashqy jarna mindetti emes. Ári baǵdarlama ashyq jáne ádil ótýi úshin kezekti onlaın baqylaý júıesi iske qosylady.