1 shildeden bastap ormanshylardyń aılyǵy ósedi.
Al materıaldyq-tehnıkalyq bazasyn 2027 jylǵa qaraı 100 prosentke jańartý josparlanǵan.
Bul týraly Ekologıa jáne tabıǵı resýrstar mınıstri Zúlfıa Suleımenova aıtty, dep habarlaıdy Almaty-akshamy.kz QazAqparatqa silteme jasap.
Mınıstrdiń aıtýynsha, eldegi orman sharýashylyǵyna 8,1 mlrd teńge bólingen. Al órtti erte anyqtaý júıesine 4,1 mlrd teńge qarastyrylǵan.
«Byltyr jáne bıyl bolǵan órtterde, jalpy orman sharýashylyǵy salasynda qalyptasqan jaǵdaıdy kórsetedi. Osy máseleni Memleket basshysy da aıtyp ótti. Árıne, osy máselege baılanysty órtti boldyrmaý, aldyn alý, sonymen qatar materıaldyq-tehnıkalyq qamsyzdandyrý, ormanshylardyń jalaqy máseleleri qosymsha pysyqtalady», - dedi Z. Súleımenova Jibek joly telearnasynyń «Jańa ýaqyt» aqparattyq-saraptamalyq baǵdarlamasynda.