Balalarǵa arnalǵan jınaqtaý júıesine qatysty zań maquldandy.
Senat otyrysynda "Keleshek" memlekettik bilim berý jınaqtaý júıesine qatysty zań maquldandy, dep habarlaıdy aqshamnews.kz
"Keleshek" baǵdarlamasy joǵary bilim alýdy, kolejde nemese magıstratýrada oqýdy qosa alǵanda bilim berý jınaqtaryn qalyptastyrýǵa arnalǵan.
Senatorlar "Qazaqstan Respýblıkasynyń keıbir zańnamalyq aktilerine Memlekettik bilim berý jınaqtaý júıesi, aqparat, qoǵamdyq damý, mádenıet jáne arhıv isi salalarynda artyq zańnamalyq reglamentteýdi bolǵyzbaý máseleleri boıynsha ózgerister men tolyqtyrýlar engizý týraly" týraly zańdy qarady.
Zań qoǵamdyq damý, mádenıet, memlekettik bilim berý jınaqtaý júıesi salasyndaǵy qoldanystaǵy normatıvtik quqyqtyq bazany jetildirýge baǵyttalǵan. Atap aıtqanda, osy zań arqyly "Keleshek" biryńǵaı erikti jınaqtaýshy júıesiniń qyzmetin quqyqtyq retteý kózdelip otyr.
"Keleshek" baǵdarlamasy joǵary bilim alýdy, kolejde nemese magıstratýrada oqýdy qosa alǵanda bilim berý jınaqtaryn qalyptastyrýǵa arnalǵan. Bul rette memlekettiń, ata-analardyń jáne qarjy ınstıtýttarynyń qatysýy da kózdelgen.
"Maquldanǵan zańda birqatar salany búrokratıadan aryltýǵa arnalǵan túzetýler toptamasy qamtylǵan. Sondaı-aq prezıdentimiz Qasym-Jomart Kemeluly Toqaevtyń Joldaýda júktegen tapsyrmasyn oryndaý maqsatymen "Keleshek" biryńǵaı erikti jınaqtaý júıesin engizý jóninde norma qarastyrylyp otyr. Aldaǵy ýaqytta zań azamattarǵa sapaly bilimniń qoljetimdiligin qamtamasyz etýge jáne memlekettik organdar qyzmetiniń tıimdiligin arttyrýǵa oń septigin tıgizedi dep senemiz", – dedi Máýlen Áshimbaev.
Osylaısha, zań mádenıet, qoǵamdyq damý salasyn retteýdiń normatıvtik negizin tujyrymdamalyq turǵydan ózektendirýge múmkindik beredi. Sondaı-aq ulttyq zańnamany jáne onyń quqyq qoldaný praktıkasyn odan ári jetildirýge yqpal etpek.