2022 jyl respýblıkalyq búdjette áleýmettik mindettemelgea 4 trln teńge qarastyrylǵan. Bul týraly Eńbek jáne halyqty áleýmettik qorǵaý mınıstrliginen málim boldy, dep habarlaıdy almaty-akshamy.kz
«2022 jylǵa arnalǵan respýblıkalyq búdjette memlekettiń áleýmettik mindettemelerin oryndaýǵa 4 trln teńge, onyń ishinde zeınetaqy men barlyq áleýmettik járdemaqylardyń mólsherin ındeksasıalaýǵa 190,4 mlrd teńge kózdelip otyr», - delingen Eńbek mınıstrligi málimetinde.
Bul 4,2 mln adamnyń tabysyn arttyrady, onyń ishinde: - 2,3 mln-ǵa jýyq zeınetkerge yntymaqty zeınetaqy mólsherin 7%-ǵa (ınflásıa deńgeıinen 2%-ǵa oza otyryp) jáne bazalyq zeınetaqy tólemin 5%-ǵa, jalpy somasy 138,3 mlrd teńgege arttyrý júrgiziletin bolady;
- 1,9 mln alýshyǵa áleýmettik járdemaqy jalpy somasy 52,1 mlrd teńgege, 5%-ǵa arttyrylady.
Budan tys eń tómengi kúnkóris deńgeıiniń ósýi ataýly áleýmettik kómek alatyn 900 myńnan astam adamnyń kiris deńgeıine de oń áser etedi.
Aldaǵy 2022 jylǵy 1 qańtardan bastap eń tómengi kúnkóris deńgeıiniń shamasyn jáne aılyq eseptik kórsetkishti 5%-ǵa ındeksasıalaý josparlanyp otyr. Nátıjesinde, ETK mólsheri 36 018 teńgeni, al AEK – 3 063 teńgeni quraıdy.