Elimizge jumys isteýge keletin mıgranttardyń sany azaıtylady
Eńbek jáne halyqty áleýmettik qorǵaý mınıstrligi «Qazaqstan aýmaǵyna sheteldik jumys kúshin tartýǵa 2023 jylǵa arnalǵan kvotany belgileý» týraly buıryqty jarıalady, dep habarlaıdy Almaty-akshamy.kz Elorda.info saıtyna silteme jasap.
Qujatta keler jyly sheteldikterdi jumysqa tartý úshin bólinetin kvota sany qysqaratyny kórsetilgen.
«Qazaqstan aýmaǵynda eńbek qyzmetin júzege asyrý úshin sheteldik jumys kúshin tartýǵa 2023 jylǵa arnalǵan kvota jergilikti atqarýshy organ jumys berýshilerge beretin ruqsat boıynsha 0,24% mólsherinde belgilensin. Eńbekshi kóship kelýshilerdi jumysqa tartý 3,2% mólsherinde bekitilsin», - dep jazylǵan ashyq talqyǵa shyǵarylǵan buıryqta.
Bıyl sheteldikterge bólingen kvota mólsheri – 0,31 paıyz boldy. 2023 jyly mınıstrlik kvotanyń bul túrin 0,07 paıyzǵa qysqartýdy josparlap otyr.
Buıryqty ashyq talqylaý 30 qarashaǵa deıin jalǵasady.