Munyń sebebin QTJ aıtty.
Jolaýshylardy tasymaldaý qyzmetterin «Jolaýshylar tasymaly» AQ-dan basqa 14 jeke tasymaldaýshy kórsetedi.
«Jolaýshylar tasymaly» AQ jalpy park vagondarynyń 78%-y aýany baptaý júıesimen jabdyqtalǵan. Vagon jasaýshy zaýyttyń konstrýksıasy boıynsha vagon parkiniń 22% aýa baptaý júıesi qarastyrylmaǵan, dep habarlaıdy Almaty-akshamy.kz Elorda.info-ǵa silteme jasap.
«Mundaı vagondarda apattyq jaǵdaılarda ashylatyn jáne jolaýshylardy, bagajdy, júk bagajdy jáne poshta jóneltilimderin tasymaldaý erejeleri men tehnıkalyq paıdalaný erejeleriniń barlyq talaptaryna sáıkes keletin apattyq kýpelerden basqa barlyq kýpelerde tereze ashý múmkindigi bar. Aýany baptaý júıesi joq vagondar aldaǵy jyldary olardyń qyzmet etý merzimine sáıkes alyp tastalady», - delingen «Jolaýshylar tasymaly» AQ aqparatynda.
Barlyq zamanaýı vagondar aýa baptaǵyshtarmen jabdyqtalǵan. Byltyr «Jolaýshylar tasymaly» AQ men «Stadler Qazaqstan» JSHS arasynda 2025 jyldan 2030 jylǵa deıin aýany baptaý, beınebaqylaý júıelerimen, ekologıalyq taza dárethana keshenderimen, elektr rozetkalarymen jáne kiriktirilgen USB shyǵystarymen jabdyqtalǵan 537-den astam joǵary tehnologıalyq vagondardy jetkizý týraly uzaq merzimdi shart jasaldy.
Aıta keteıik, Qazaqstanda jolaýshylardy tasymaldaý boıynsha qyzmetterdi «Jolaýshylar tasymaly» AQ-dan basqa 14 jeke tasymaldaýshy kórsetedi.