Kazakh Tourism jáne Iandeks Qazaqstan týrızmdi damytý maqsatynda uzaq merzimdi seriktestik ornatý týraly ýaǵdalasty.
Yntymaqtastyqtyń birinshi kezeńi sheńberinde Iandeks Kartalarynda Kazakh Tourism Almaty jáne Astana qalalarynyń turǵyndary men qonaqtaryna barýdy usynatyn 18 eksklúzıvti oryndar toptamasy paıda boldy, dep habarlaıdy almaty-akshamy.kz.
«Qazaqstannyń sıfrlyq platformalarǵa qatysýyn arttyrý – ulttyq kompanıanyń basty mindetteriniń biri. Sondyqtantehnologıalyq kompanıamen strategıalyq seriktestik jáne Qazaqstannyń tanymal jerleri týraly aqparatty eń tanymal kartografıalyq servısterdiń birinde ornalastyrý oryndy jáne ózekti bolyp tabylady», – dep QR Týrızm jáne sport vıse-mınıstri E. Erkinbaev atap ótti.
Ár toptama belgili bir taqyrypqa baǵyttalǵan, mysaly: dástúrli meıramhanalar, tańǵy as usynatyn kafeler, panoramalyq kórinisteri bar oryndar, dostarmen kezdesýge arnalǵan oryndar, jergilikti brendter dúkenderi jáne túngi ómir shoǵyrlanǵan lokasıalar. Toptamalar Almaty Tourism Bureau jáne Visit Astana derekterine negizdelgen jáne qazaq, aǵylshyn, orys tilderinde qoljetimdi. Toptamalar tizimi jyl boıy tolyqtyrylady. Olardy kórý úshin «Iandeks Karty» qosymshasyna kirip, izdeý jolaǵyn basyp, «Toptamalar» sanatyn ashsańyz bolǵany. Qosymshadaǵy ár orynǵa deıin jaıaý, kólikpen nemese qoǵamdyq kólikpen jetýge bolatyn baǵdar qurýǵa bolady.