Buǵan deıin Qara teńizdegi daýyldyń saldarynan Kaspıı qubyr konsorsıýmynyń qubyr júıesine zaqym kelgen bolatyn.
Kaspıı qubyr konsorsıýmy (KQK) jóndeýden keıin Novorossıısk mańyndaǵy teńiz termınalynda úshinshi shyǵarylatyn aılaq (VPÝ-3) jumysyn qaıta bastady, dep habarlaıdy Almaty-akshamy.kz QazAqparatqa silteme jasap.
Reseıdiń TASS agenttiginiń málimetinshe, VPÝ-2 zaqymdanǵannan keıin áli paıdalanýǵa berilgen joq.
«2022 jyldyń 23 sáýirinde KQK teńiz termınalynda VPÝ-3 jóndeý jumystarynan keıin paıdalanýǵa berildi. Aýa raıynyń qolaıly bolýy qysqa merzim ishinde súńgý jumystaryn júrgizip, sýasty qubyr manıfoldynyń túbin ashýǵa múmkindik berdi», - dedi kompanıadan.
Eske salsaq, naýryz aıynyń sońynda Qara teńizdegi daýyldyń saldarynan Kaspıı qubyr konsorsıýmynyń qubyr júıesine zaqym keldi. Bul Qazaqstannyń munaı óndirý kólemi qysqarýyna alyp kelýi múmkin ekeni aıtyldy.
Keıin QR R Energetıka mınıstri Bolat Aqsholaqov Kaspıı qubyr konsorsıýmyndaǵy jaǵdaıdy baıandady.
«Júıedegi atalǵan aqaý kúrdeli bolǵandyqtan, Kaspıı qubyr konsorsıýmy jumysyn ýaqytsha toqtatýǵa májbúr bolyp otyr», - dedi mınıstrlik.