Aýa raıy jaǵdaıynyń jaqsarýy munaıdy aýystyryp tıeýdi qalpyna keltirýge múmkindik berdi
Kaspıı qubyr konsorsıýmy Qara teńiz termınalynan munaı jóneltý jumysynyń qaıta jandanǵanyn málimdedi, dep habarlaıdy Almaty-akshamy.kz.
«22 aqpannan bastap teńiz termınaly arqyly munaı tasymaldaý jumystary qalpyna keltirildi. Aýa raıy jaǵdaıynyń jaqsarýy munaıdy aýystyryp tıeýdi qalpyna keltirýge múmkindik berdi», - delingen kompanıa taratqan habarlamada.
Eske salsaq, 19 aqpan kúni aýa raıynyń qolaısyzdyǵyna (kúshti daýyl, úlken tolqynǵa) baılanysty Kaspıı qubyr konsorsıýmynyń teńiz termınalymen munaı jóneltý toqtatylǵan edi.
Atalǵan qubyr jelisiniń jumysynyń toqtap qalýyna baılanysty QR Energetıka mınıstri Bolat Aqsholaqov pikir bildirdi.
Jalpy aıta ketsek, Qazaqstan munaıynyń shamamen 80 paıyzy Kaspıı qubyr konsorsıýmy arqyly eksportqa jóneltiledi.