Bul týraly «Aqtaý teńiz porty» arnaıy ekonomıkalyq aımaǵynyń basshysy Asqat Qabashev arnaıy brıfıńte málimdedi.
Qazir teńizdegi Aqtaý, Soltústik termınal jáne Quryq porttary tolyq qýatymen jumys istep tur. Óńirge temir jol jáne avtokólik arqyly júk tasymaldaý kólemi de ulǵaıǵan, dep habarlaıdy Almaty-akshamy.kz.
Eksporttaýshy kásipkerlerge qoldaý kórsetip, júk tasymalyn úzbeý úshin, jańa konteıner habyn salý josparda bar. Bul jumystar «Aqtaý» porty arnaıy ekonomıkalyq aımaqqa ótkennen keıin júzege asyrylatyn bolady.
«Eki jyl buryn pandemıa saldarynan porttarda júk tasymaly kóp bolǵan joq. Onyń ústine birneshe taýarǵa embargo engizildi. Ol da júk kólemine teris áser etti. Qazir jaǵdaı múlde basqasha. Porttar tolyq jumys istep tur. Qosymsha konteıner habyn salý úshin 19 gektar jer daıyndap otyrmyz», - deıdi «Aqtaý teńiz porty» AEA» AQ basqarma tóraǵasy Asqat Qabashev.
.