Bul týraly Bas prokýror Berik Asylov málimdedi.
Bul jaıynda ol Májilis depýtattarynyń ınvestısıalardy qorǵaý týraly saýalyna joldaǵan jaýabynda aıtty, dep habarlaıdy Almaty-akshamy.kz
Alty mınıstrlik eki myń kásipkerdi zańsyz teksermek bolǵan.
«Kásipkerlik sýbektileriniń múddesi úshin prokýrorlar jyl basynan beri 5 myńnan astam tyıym salý jáne shekteý sharalarynyń, 560 mln teńgeden astam somaǵa 2 myń zańsyz ákimshilik is júrgizýdiń kúshin joıdy. Bas prokýratýranyń narazylyqtary boıynsha mınıstrlikterdiń (densaýlyq saqtaý, aýyl sharýashylyǵy, ekologıa, qarjy, ındýstrıa jáne ınfraqurylymdyq damý) 2 myń bıznes sýbektisine zańsyz tekserý (barý arqyly profılaktıkalyq baqylaý) júrgizýdi kózdegen 9 buıryǵynyń kúshi joıyldy (ózgertildi)», - deıdi Berik Asylov.
Prokýratýra organdarynyń bıznesti qorǵaý jónindegi mobıldi toptary ótken tórt aıda kásipkerlerden túsken 1100 shaǵymdy teksergen.
«Túsken sıgnaldardyń árbir besinshisi (219) rastaldy. «Atameken» UKP-men jáne bıznes-ombýdsmenmen tyǵyz yntymaqtastyq ornatyldy.
Prokýrorlardyń kómegimen bıznes sýbektileri úshin ózekti bolyp tabylatyn 12 másele sheshimin tapty (kásipkerlerge gazdy joǵary baǵamen satý, zańsyz monıtorıńter júrgizý, JK-ge qatysty salyq buıryqtaryn shyǵarý praktıkasy toqtatyldy, bólshek saýda úshin oryndar anyqtaldy jáne t.b.). Bıznes quqyqtaryn buzý boıynsha barlyǵy 750 qadaǵalaý aktisi engizildi, 360 laýazymdy adam jaýaptylyqqa tartyldy», - delingen jaýapta.