Aýyl sharýashylyǵy mınıstri Aıdarbek Saparov kartop baǵasyn tómendetý úshin qandaı sharalar qolǵa alynǵanyn aıtty, dep habarlaıdy aqshamnews.kz
Bıyl mınıstrlik uıymdasqan sharýashylyqtarda kartop alqaptaryn kóbeıtýdi josparlap otyr.
"Jeke sharýashylyqtarda emes, uıymdasqan sharýashylyqtarda kartop ósirý kólemi 9 myń gektarǵa artady. Sondyqtan bıyl kartopqa qatysty problema bolmaıdy dep oılaımyn, baǵasy da tómendeıdi",-dedi Saparov úkimette ótken brıfıńte.
Al aýyl sharýashylyǵy vıse-mınıstri Azat Sultanovtyń aıtýynsha, qosymsha kartop alqaptarynyń ónimi kúzge qaraı jınalady. Sol kezde baǵa túsýi kerek.
"Máselen, byltyr kartoptyń baǵasy 100 teńge boldy. Bıyl 120-130 teńgeden bastadyq. Endi bári naryqqa baılanysty ǵoı. Degenmen kartoptyń baǵasy áleýmettik osal toptar satyp ala alatyndaı deńgeıde bolady. Oǵan qosa, turaqtandyrý qorlary bar. Osylaısha, biz kartoptyń turaqty baǵasyn ustaımyz", - dep túıindedi Sultanov.