Álisher Baıbýrov respýblıkalyq rekord ornatty
Qyzylordada aýyr atletıkadan Qazaqstan chempıonaty ótti. Jarysqa elimizdiń 16 oblysynan barlyǵy 217 sportshy qatysty. Erler men áıelder arasyndaǵy birinshilikte on salmaq dárejesinde medaldar sarapqa salyndy, dep habarlaıdy Almaty-akshamy.kz.
Aqmola oblysynyń dene shynyqtyrý jáne sport basqarmasynyń baspasóz hatshysy Mahabbat Bolshınanyń aıtýynsha, aqmolalyqtar jarysta túrli nomınasıadaǵy jeti júldeni jeńip aldy.
Júldegerler qatarynda Karına Quzǵanbaeva da bar. Ol julqa kóterýde altyn medalǵa qol jetkizip, Qazaqstannyń úsh dúrkin chempıony atandy. Sonymen birge ol serpe kóterýde kúmis medeldi jeńip aldy.
Álisher Baıbýrov julqa kóterýde ekinshi bolyp, jasóspirimder arasynda respýblıkalyq rekord ornatty, serpe kóterýde úshinshi oryn aldy. Mıra Ahmetova julqa kóterý jáne serpe kóterýde birden eki qola medal jeńip aldy. Islam İlıasov julqa kóterýde de úzdik úshtiktiń qatarynan kórindi.