Qamaýdaǵy merzimi 6 tamyzǵa deıin sozyldy.
Qazaqstan Ulttyq qaýipsizdik komıtetiniń burynǵy tóraǵasy Kárim Másimovtiń qamaýdaǵy merzimi 6 tamyzǵa deıin sozyldy, dep habarlaıdy Almaty-akshamy.kz Abai.kz silteme jasap.
Komıtet málimetinshe, UQK tóraǵasynyń burynǵy eki orynbasarynyń da qamaýdaǵy merzimi uzartyldy: Ánýar Sadyquly 6 tamyzǵa deıin, al Dáýlet Erǵojın 13 tamyzǵa deıin qamaýda otyrady.
UQK-niń burynǵy basshylaryna qarsy qylmystyq iske "Asa qupıa" móri basylǵan.
Kóp jyl boıy Qazaqstannyń burynǵy prezıdenti Nursultan Nazarbaevtyń senimdi serigi bolǵan Kárim Másimov 5 qańtarda qamalǵan. Ol sol kúni Qazaqstan qaýipsizdik keńesiniń otyrysyna qatysqan. Osy otyrysta Qazaqstan Prezıdenti Qasym-Jomart Toqaev keńes tóraǵalyǵyn óz moıyna alǵanyn jáne Qazaqstanǵa "halyqaralyq terorıstik top" shabýyl jasaǵanyn málimdegen.
8 qańtarda UQK "memleketke opasyzdyq jasady" degen kúdikpen Kárim Másimovtiń qamaýǵa alynǵanyn, 13 qańtarda "bılikti kúshpen basyp alý" baby boıynsha da is qozǵalǵanyn habarlaǵan.