Ulttyq qaýipsizdik komıtetiniń burynǵy tóraǵasy Kárim Másimovtiń isi Joǵarǵy sotqa jiberildi, dep habarlaıdy almaty-akshamy.kz
Sot keńsesiniń málimeti boıynsha, is 2024 jyldyń 16 sáýirinde bastalǵan. Sýdıanyń aty-jóni jáne istiń qaraýǵa qabyldanǵan-qabyldanbaǵany týraly aqparat ázirge belgisiz. Sonymen qatar, Másimovtiń tegi men ákesiniń aty qujattarda durys kórsetilmegen.
Kárim Másimovtiń isi «Asa qupıa» belgisimen tergelip, sotta qaraldy. 2023 jyldyń sáýirinde Astana qalasynyń qylmystyq ister jónindegi mamandandyrylǵan aýdanaralyq soty ony memleketke opasyzdyq jasady, bılikti kúshtep basyp alýǵa árekettendi jáne laýazymdyq ókilettikterdi asyra paıdalandy dep aıypty dep tanydy.
Úkim boıynsha, Másimov múlki tárkilenip, memlekettik qyzmette laýazymdardy atqarý quqyǵynan ómir boıyna aıyrýmen 18 jylǵa bas bostandyǵynan aıyryldy. 2023 jyldyń maýsymynda apelásıalyq sot onyń úkimin ózgerissiz qaldyrdy.
Joǵarǵy sotta qaralýy múmkin bul is qoǵamda úlken qyzyǵýshylyq týdyryp otyr. Quqyq qorǵaý organdary men sot júıesiniń bul máselege qatysty sheshimi eldiń nazarynda.