Cotqa deıingi tergeýdi aıaqtady.
Pavlodar oblystyq polısıa departamentiniń burynǵy bastyǵy, polısıa general-maıory Nurlan Másimovke qatysty tergeý isi aıaqtaldy, dep habarlaıdy Almaty-akshamy.kz Sybaılas jemqorlyq agenttigine silteme jasap habarlaıdy.
«Pavlodar oblystyq polısıa departamentiniń burynǵy bastyǵy, polısıa general-maıory N. Másimovke, onyń orynbasary D.Sırazıdımovke jáne kásipker E. Evkovıchke qatysty aýyr jáne asa aýyr sybaılas jemqorlyq qylmystar jasady degen kúdikpen sotqa deıingi tergeýdi aıaqtady. Másimov pen Sırazıdımov memlekettik satyp alýdy ótkizý jáne úlestes kompanıalarmen kelisimsharttarǵa qol qoıý kezinde qamqorlyǵy úshin 90,3 mln teńge somasynda para aldy dep aıyptalýda», - delingen Agenttik habarlamasynda.
Sondaı-aq olar arttehqarý-jaraq satyp alýǵa arnalǵan 420 mln teńge somasynda búdjet qarajatyn urlady dep kúdiktelýde.
22 jeltoqsanynda oblys prokýratýrasy aıyptalýshylardy sotqa berdi.
Eske salsaq, qańtar oqıǵasynan keıin Pavlodar oblysy polısıa departamentiniń basshysy Nurlan Másimov qyzmetinen bosatyldy.
Keıinirek oǵan izdeý jarıalanyp, ol týraly qandaı da bir aqparat bergen adamǵa 12 mln teńge syıaqy beriletini málim boldy. Shilde aıynda Nurlan Másimov Reseımen shekaradan jalǵan qujat arqyly ótpek bolǵan kezde ustaldy.