Altynshy mamyrǵa deıin uzartyldy.
Ulttyq qaýipsizdik komıtetiniń burynǵy basshysy Kárim Másimovti qamaýda ustaý merzimi 6 mamyrǵa deıin uzartyldy, dep habarlaıdy Almaty-akshamy.kz Aikyn.kz cilteme jasap.
Sonymen qatar onyń orynbasarlaryn qamaýda ustaý merzimi de uzartyldy.
«Másimov pen Sádiqulovty qamaýda ustaý merzimi 6 mamyrǵa deıin, Erǵojınniń qaýamda ustaý merzimi 8 mamyrǵa deıin uzartyldy», – delingen habarlamada.
Sonymen qatar UQQ tórǵasynyń burynǵy orynbasary Marat Osıpovtyń qamaýǵa alý merzimin uzartý týraly materıaldar prokýratýraǵa jiberildi.
Kúdiktiler tergeý ızolátorynda otyr.
Kárim Másimov pen onyń orynbasarlaryna qatysty is Qylmystyq kodekstiń bes baby boıynsha tergelip jatyr.
175-baptyń 1-bóligi – «Memleketke opasyzdyq jasaý» (15 jylǵa bas bostandyǵynan aıyrý jazasy qarastyrylǵan, oǵan qosa, Qazaqstan azamattyǵynan aıyrýy múmkin);
179-baptyń 3-bóligi – «Qazaqstan Respýblıkasynyń Konstıtýsıasyn buzyp, bılikti kúshpen basyp alýǵa nemese bılikti kúshpen ustap turýǵa ne Qazaqstan Respýblıkasynyń konstıtýsıalyq qurylysyn kúshtep ózgertýge baǵyttalǵan áreketter» (17 jylǵa deıin bas bostandyǵynan aıyrý, oǵan qosa, Qazaqstan azamattyǵynan aıyrý jazasy bar);
218-baptyń 3-bóligi – «Qylmystyq jolmen alynǵan aqshany jáne (nemese)ózge múlikti zańdastyrý (jylystatý, adam óziniń qyzmet babyn paıdalana otyryp jasaǵan dál sol is-áreketter» (7 jylǵa deıin bas bostandyǵynan aıyrý);
362-baptyń 4-bóligi – «Bılikti nemese laýazymdyq ókilettikterdi asyra paıdalaný» (10 jylǵa deıin bas bostandyǵynan aıyrý);
366-baptyń 4-bóligi – «Para alý» (12 jylǵa deıin bas bostandyǵynan aıyrý); Qylmystyq is «óte qupıa» degen belgimen tergelip jatyr.