Meksıkalyq sportshynyń ekinshi jeńilisi
Meksıkalyq Saýl Alvares «Kanelo» men reseılik Dmıtrıı Bıvol arasyndaǵy jekpe-jek aıaqtaldy, dep habarlaıdy Almaty-akshamy.kz Nur.kz-ke silteme jasap.
Boks keshi Las-Vegastaǵy T-Mobile Arena-da ótti. On eki raýndqa josparlanǵan jekpe-jek sońyna deıin jalǵasty. Nátıjesinde tóreshilerdiń sheshimimen Dmıtrıı Bıvol meksıkalyq qarsylasynan basym tústi.
Aıta keteıik, sýper orta salmaqtaǵy absolútti álem chempıony Saýl «Kanelo» Alvares reseılik bylǵary qolǵap sheberine tıesili jartylaı aýyr salmaqtaǵy WBA Super tıtýlyna qol jetkize almady. Bul meksıkalyqtyń kásipqoı bokstaǵy ekinshi jeńilisi. Onyń esebinde 57 jeńis bar.
Bıvol – reseılik boksshy, Qyrǵyzstannyń Toqmaq aımaǵynda týǵan, áli bir de bir márte jeńilmegen chempıon.