Qanadadaǵy orman órtiniń sany men qarqyndylyǵy barlyq rekordtardy jańartyp otyr. Eldiń premer-mınıstr Djastın Trúdonyń málimdeýinshe, qazir Kanadada 414 orman órti oryn alǵan, olardyń 239-y baqylaýdan shyǵyp ketti. 20 myńnan astam adam óz úılerinen evakýasıalandy, dep habarlaıdy Almaty-akshamy.kz. .
Kvebektiń ózinde ǵana 150-den astam belsendi órt oshaǵy bar, bul rette jergilikti órt sóndirýshilerdiń bir ýaqytta 40-tan aspaıtyn órt oshaǵymen kúres júrgizý múmkindigi bar, dep jazdy QazAqparattyń VVS aqparat agenttigine silteme jasap.
Órt saldarynan AQSH qalalary - Nú-Iork, Vashıngton jáne basqalarynda tumsha baıqaldy. AQSH soltústiktegi kórshisine jedel járdem jiberýde.
Kvebekten basqa, Brıtandyq Kolýmbıa, Alberta, Ontarıo, Jańa Shotlandıa jáne soltústik-batys aýmaqtarynda 3,3 mln ga alqapta ormandy jer órtenip jatyr.
Eldiń myńdaǵan turǵyny evakýasıalanýǵa májbúr boldy, al aýa tútinine baılanysty qaýip ornaǵandyqtan Soltústik Amerıkada ondaǵan mıllıon adamǵa eskertildi.
Kanada men AQSH-tyń kóptegen qalalarynda, sonyń ishinde Toronto, Ottava, Nú-Iork jáne Vashıngtonda aspan kúńgirt qyzǵylt sary túske boıalǵan. Ottava bıligi órtten aýanyń lastanýyn adamdardyń densaýlyǵyna, ásirese tynys alý organdarynyń aýrýlaryna óte qaýipti dep ataıdy.
Nú-Iork pen Vashıngtonda memlekettik mektepterdiń jumysy toqtatyldy, al Nú-Iork meri Erık Adams jaǵdaıdyń ýshyǵýy múmkin ekenin eskertpip, halyqty úıden shyqpaýǵa shaqyrdy.
