Jyl saıyn ortasha eseppen elimizde 2 myńǵa jýyq kólik órtenedi.
Bul týraly QR TJM baspasóz qyzmeti málimdedi, dep habarlaıdy Almaty-akshamy.kz.
«Tek 2023 jyldyń 10 aıynda kólikterde 1 811 órt oryn aldy. 2022 jyldyń uqsas kezeńimen salystyrǵanda órt sany 14%-ǵa azaıdy (2022j. - 2 118). Bul órttiń negizgi úlesi jeńil kólikte, bul 1 392 jaǵdaı nemese kóliktegi órttiń jalpy sanynyń 77%. Sońǵy jyldarda bul kórsetkish kólik quraldaryndaǵy órttiń jalpy sanynyń 15-20%-yn ıelense, turǵyn úı sektory obektilerinen keıin jıiligi boıynsha turaqty ekinshi oryndy alady», - delingen habarlamada.
Kólik quraldarynda órtterdiń paıda bolýynyń negizgi sebepteri:
- avtokólik quralynyń elektr jabdyǵyn ornatý jáne paıdalaný qaǵıdalaryn buzý;
- qoldan jasalǵan gaz jabdyǵyn ornatý;
- otyn jáne elektr júıesiniń isten shyǵýy; - qozǵaltqyshtardy ashyq ot kózderimen jylytý;
- qasaqana órteý.
Kólik quraldarynda órtterdiń týyndaýynyń aldyn alý olardyń týyndaý sebepterin boldyrmaýǵa baǵyttalýy tıis. Avtokólik ıelerine órt qaýipsizdigi sharalaryn saqtaýdy jáne qolynda jaramdy órt sóndirgishti ustaýdy usynamyz - deıdi TJM mamandary.