Almatyda ótken «Digital Almaty 2024: sıfrlyq forýmy aıasynda Almaty ákimdigi Almaty-Smart Sity tujyrymdamasyn usyndy.
Sıfrlyq forýmda tanystyrylǵan Almaty City App jańa qosymshasy jyldyń sońyna deıin iske qosylady, dep habarlaıdy Almaty-akshamy.kz
Almatyda «Digital Almaty 2024: Indýstrıa H – bolashaqtyń sıfrlyq evolúsıasy» sıfrlyq forýmy aıasynda Eýrazıalyq úkimetaralyq keńestiń otyrysy ótti, oǵan EAEO elderiniń premer-mınıstrleri men Eýrazıalyq ekonomıkalyq komısıa alqasynyń basshysy keldi. Kezdesý aldynda delegasıa basshylary, Almaty qalasynyń ákimi Erbolat Dosaev robototehnıka jáne sıfrlandyrý salasyndaǵy zamanaýı sheshimder qoıylǵan kórmeni aralap kórdi.
Almaty ákimdigi Almaty-Smart Sity tujyrymdamasyn usyndy, ol azamattarǵa arnalǵan sıfrlyq servısterdi qurý, qaýipsizdikti qamtamasyz etý, basqarý sheshimderin qabyldaý tıimdiligin jaqsartý jáne ınjenerlik ınfraqurylymdy sıfrlandyrý jónindegi jobalardy qamtıdy.
Qalanyń Sıfrlandyrý basqarmasynyń basshysy Oljas Jańabek Almaty City App jańa qalalyq qosymshasyn tanystyrdy.
«Almaty City App qalalyq sıfrlyq servısterdi kórsetý úshin Biryńǵaı tereze bolady. OpenAlmaty [Almaty ákimdiginiń Qoǵamdyq qabyldaý bólmesi) syndy servızdiń Ahýaldyq ortalyǵynyń ashyq modýlderi, VisitAlmaty [Almatydaǵy týrıserge arnalǵan qosymsha] bizdiń qalamyzdyń turǵyndary úshin bir ret basý arqyly qoljetimdi bolady», - dedi Oljas Jańabek.
Jobany bıyl jyl sońyna deıin iske qosý josparlanyp otyr.
Almaty-Smart City-di damytýdyń basty jobasy qalanyń Sıfrlyq egizi (Digital Twin) bolyp tabylady, ol bolashaqta neǵurlym aqyldy jáne tıimdi qalalyq keńistik qurý úshin qalalyq ınfraqurylymdy modeldeýde, taldaýda jáne basqarýda negizgi quralǵa aınalady.
Anyqtama: ótken jyldyń 9 aıynda Almatynyń JÓÓ $32 mlrd qurady, onyń ishinde $1,7 mlrd. komýnıkasıalyq tehnologıalar salasyna tıesili.