Balalardy mektepke deıingi tárbıemen jáne oqytýmen qamtýdy arttyrý maqsatynda Memleket basshysynyń tapsyrmasy boıynsha 2023-2027 jyldarǵa arnalǵan mektepke deıingi uıymdardy iske qosýdyń qadamdyq jospary ázirlenip, bekitildi.
Bıyldyń ózinde balabaqshalarda 77 myńnan astam oryn ashylady dep josparlanýda, dep habarlaıdy Almaty-akshamy.kz Oqý-aǵartý mınıstrligine silteme jasap.
QR Oqý-aǵartý mınıstrligi Mektepke deıingi bilim berý departamenti dırektorynyń aıtýynsha, 2024 jyldyń úsh aıynda 8849 orynǵa arnalǵan 125 mektepke deıingi uıym ashyldy.
«Jańa oryndar ashý - mektepke deıingi uıymdardy salý, jumys istep turǵandaryn rekonstrýksıalaý jáne keńeıtý, jalpy bilim beretin mektepter janyndaǵy, turǵyn úı keshenderiniń birinshi qabattaryndaǵy shaǵyn ortalyqtar jelisin keńeıtý, jekemenshik mektepke deıingi uıymdarda memlekettik bilim berý tapsyrysyn ornalastyrý arqyly kózdelýde. Sońǵy bes jylda balabaqshaǵa joldama alýdyń kezektiligi eki esege tómendetildi. Búgingi tańda 2-6 jastaǵy balalardy qamtý 91% quraıdy. Bıyl bul kórsetkishti 92,5%-ǵa jetkizýdi josparlap otyrmyz», - dep atap ótti Manar Adamova.
Sonymen qatar balabaqshalarda oryndardy bólý prosesiniń ashyqtyǵy úshin kezektilikti esepke alýdyń biryńǵaı bazasy quryldy. Ótinishti elektrondyq úkimet portaly, ekinshi deńgeıdegi bankterdiń mobıldi qosymshalary jáne jergilikti atqarýshy organdardyń platformalary arqyly berý sıaqty birneshe tásildermen júzege asyrý múmkindikteri iske qosyldy. Qazir joba elimizdiń tórt óńirinde júrgizilýde.
Jalpy elimizde 11 472 mektepke deıingi uıym jumys isteıdi, onda 1 mıllıonǵa jýyq bala qamtylǵan.