Qazaqstanda Halyqqa qyzmet kórsetý ortalyqtaryna (HQO) keletin azamattardyń 80%-ǵa jýyǵy on negizgi qyzmet túri boıynsha keledi. Olardyń barlyǵy jyl sońyna deıin onlaın rejımge kóshiriledi.
Bul týraly Sıfrlyq damý, ınovasıalar jáne aeroǵarysh ónerkásibi vıse-mınıstri Rostıslav Konáshkın málim etti, dep habarlaıdy aqshamnews.kz.
Vedomstvo málimetinshe, búginde halyqqa qyzmet kórsetý ortalyqtary 1250-ge jýyq memlekettik qyzmet kórsetedi. Alaıda, taldaý nátıjesi negizgi júkteme tanymal suranystardyń shekteýli tizimine ǵana túsetinin kórsetti.
— Azamattardyń ótinishterin taldaý qyzyq jaıtty kórsetti: azamattardyń jalpy aǵynynyń 79 paıyzy nebári on qyzmet boıynsha keledi. Iaǵnı, tek on qyzmet oflaın formatta negizgi aǵyndy jasaıdy. Munyń eki sebebi bar: keıbir qyzmet sıfrlandyrylǵan, biraq yńǵaıly emes jáne bul prosesti jeńildetý qajet, — dep atap ótti Konáshkın.
Onyń aıtýynsha, buryn-sońdy onlaın formatta kórsetilmegen, endi sıfrlandyrylatyn qyzmetter bar.
— Osy on qyzmettiń barlyǵyn jyl sońyna deıin tolyq onlaın formatqa kóshirýdi josparlap otyrmyz. Jaqynda ǵana jeke kýálikti qaıta resimdeý qyzmeti iske qosyldy. Bul eń mańyzdy sátterdiń biri shyǵar. Negizgi qyzmetter qujattama jolynda. Pılottyq synaqtyń nátıjesi boıynsha, eger ol sátti bolsa, odan ári qolǵa alyp, tólqujattardy qaıta shyǵarýdy bastaımyz, — dedi vıse-mınıstr.
Ol basqa da negizgi qyzmetterdiń qatarynda júrgizýshi kýáligin bastapqy alý, tirkeý qyzmetteri, shetel azamattaryna ruqsat alý, jyljymaıtyn múlik jáne jer qyzmetterin atap ótti.
Elektrondy sıfrlyq qoltańbany alý qyzmetteri tolyǵymen onlaın formatqa aýystyrylady, óıtkeni azamattardyń 10%-dan azy ony offlaın rejımde alady.
— Halyqqa qyzmet kórsetý ortalyqtarynda bul qyzmetti tolyǵymen jabýdy josparlap otyrmyz. Azamat HQO-ǵa kelse de, ony kompúterge aparyp, EGOV ashady nemese EGOV Mobile júktep alyp, elektrondy sıfrlyq qoltańbany onlaın rejımde alýǵa kómektesedi, — dedi vıse-mınıstr.