Almaty qalasynyń Qylmystyq-atqaru júıesí departamentíne qarasty №11 mekemede jazasyn óteushí jasóspírímderge Halyqaralyq Nelson Mandela kúníne oraı, «Azaptaularǵa jáne basqa da qatygezdíkke, adamgershílíkke jatpaıtyn nemese ar-namysty qorlaıtyn ís-áreketter men jazalau túrleríne qarsy Konventsıya» jaıynda dárís óttí.
Dárístí Almaty qalasy Ádílet depratamentíń resmı ókílí Shynar Ázílbek jáne osy organnyń bas mamany Sanat Narymbaev júrgízdí. Al suretshí Abdurahman Mūhtarūly suret saluǵa beıímí bar jazaly jasóspírímderge suret saludan sheberlík sabaǵyn ótkízdí.
Dáríste sotty bolyp, jazasayn ótep jatqan jastarǵa Halyqaralyq Nelson Mandela kúníníń mán-maǵynasy túsíndíríldí. Būl kúndí BŪŪ Bas Assambleyasy 2009 jyldyń qarashasynda bekítken jáne jyl saıyn 18 shíldede Ońtústík Afrıkadaǵy aparteıdke (násíldík kemsítushílík) qarsy eń tanymal kúreskerlerdíń bíríníń tuǵan kúnínde atap ótíledí.
– Balalar būl kúní suret salyp qana qoımaı, ózderí árlegen qabyrǵa gazetíne arman-maqsatyn, tílegín jazdy. Árıne, túzeu mekemesínde otyrǵan jasóspírímderdíń bostandyqqa shyqsam, otbasymmen qauyshsam, adam bolsam degen tílegí oryndalsyn deımíz. Mūndaı ís-sharalar olardy túzu jolǵa shaqyrady. Sondaı-aq, óz qūqyǵyn bíludí úıretedí. Qatygez bolmauǵa, adamgershílíkke jatpaıtyn nemese ar-namysty qorlaıtyn áreketterden aulaq boluǵa úndeıdí, – deıdí SAÁPTJB bastyǵynyń míndetín uaqytsha atqarushy ádílet kapıtany Sholpan Jarylqasova.