Otandastarymyz Túrkıanyń turǵyn úı naryǵyn damytyp júr.
Eldiń statısıka ınstıtýty, ásirese, maýsym aıyndaǵy kórsetkish eki ese artqanyn aıtady. Esesine otandastarymyz el ishindegi baspanaǵa suranysty azaıtqan. Aı saıyn satyp alý-satý kelisimderin rásimdeý kórsetkishi tómendep jatyr, dep habarlaıdy Almaty-akshamy.kz 24.kz-ke silteme jasap.
Keı kompanıalar túrli aksıalar uıymdastyryp, jaǵdaıdy retteýge álek. Biraq naryq yryq berer emes. Ótken aıda qurylys materıaldary taǵy qymbattaǵanyn aıtady. Ázirge tek kirpishtiń baǵasy ózgermepti.
Qazaqstan qurylysshylar qaýymdastyǵy megapolısterdegi ahýalǵa sholý jasaǵan. Mysaly bas qalada ekonom sanatyndaǵy úıler ǵana baǵa boıynsha halyqqa qolaıly. Mamandar Almatydaǵy úılerdiń qymbattaǵanyn atap ótti. Mundaǵy bir sharshy metr 521 myń teńge shamasynda. Eń qoljetimdi baǵa Shymkentte tirkelgen. Munda páterdiń sharshy metri ortasha alǵanda 354 myń teńge.
Bir qyzyǵy, Túrkıada da qurylys materıaldary eki ese qymbattaǵan. Soǵan qaramastan maýsymda rıeltorlar sheteldikterge 81 paıyzǵa kóp baspana satqanyn aıtyp otyr.