Jyl basynan beri 799 myńnan astam adam AÁK aldy
2021 jylǵy 1 maýsymdaǵy jaǵdaı boıynsha 164,4 myń otbasyndaǵy 799,2 myń adamǵa ataýly áleýmettik kómek (budan ári – AÁK) taǵaıyndaldy, dep habarlady Almaty-Akshamy.kz QR Eńbek jáne halyqty áleýmettik qorǵaý mınıstrliginiń taratqan habaryna silteme jasap.
Aǵymdaǵy jyly osy maqsattarǵa búdjetten 122,8 mlrd teńge bólindi.
AÁK otbasynyń árbir múshesine jan basyna shaqqandaǵy ortasha tabysy óńirlik eń tómengi kúnkóris deńgeıiniń 70%-ynan tómen azamattarǵa taǵaıyndalady.
Budan basqa, AÁK kórsetýdiń jańa tetigin iske asyrý sheńberinde elimizdiń barlyq óńirlerinde tabysy az otbasylardyń mektep jasyna tolmaǵan balalaryn kepildik berilgen áleýmettik toptamamen (budan ári – áleýmettik toptama) qamtamasyz etý boıynsha jumys júrgizilýde.
2021 jylǵy 1 maýsymda AÁK alýshylar qataryndaǵy 1 jastan 6 jasqa deıingi 196,5 myń balaǵa azyq-túlik jáne turmystyq hımıa zattarynyń jıyntyǵy túrinde áleýmettik toptama taǵaıyndaldy.
Esterińizge sala keteıik, AÁK alýshylarǵa bunyń aldynda, 2020 jylǵy II,III jáne IV toqsanda TJ rejımi men karantındik shekteý sharalaryna baılanysty kómek taǵaıyndaýǵa ótinishteri uzartyldy.
Qazirgi ýaqytta qazaqstandyqtar AÁK taǵaıyndaýǵa ótinishti turǵylyqty jeri boıynsha jumyspen qamtý ortalyǵynda, sondaı-aq egov.kz elektrondyq úkimet portaly arqyly bere alady.