2023 jyldan bastap "bir tereze" qaǵıdasy boıynsha Qazaqstan elshilikteri arqyly qandas mártebesin berý mehanızmi engizildi.
Eńbek mınıstrligi bes aıda kelgen qandastardyń sanyn atady, dep habarlaıdy Almaty-akshamy.kz Eńbek jáne halyqty áleýmettik qorǵaý mınıstrligine silteme jasap.
"2024 jyldyń 1 maýsymyndaǵy jaǵdaı boıynsha 7 353 etnıkalyq qazaq tarıhı otanyna oraldy. Jalpy 1991 jyldan beri barlyǵy 1 mıllıon 135,7 myń etnıkalyq qazaq elge oraldy", - delingen habarlamada.
Sondaı-aq mınıstrlik etnıkalyq qazaqtardyń respýblıkaǵa oralýyna qatysty birneshe derek usyndy.
Jyl basynan beri Qazaqstanǵa kelgen qandastardyń
49,4%-y Qytaıdan,
6,3%-y – Túrikmenstannan,
5,4%-y - Mońǵolıadan,
34,4%-y - Ózbekstannan,
3,2%-y - Reseıden,
1,3%-y basqa elderden kelgen.
Eńbek mınıstrliginiń málimeti boıynsha eńbekke qabiletti jastaǵy qandastardyń sany 59,1%-dy, kámeletke tolmaǵandar 31,2%-dy jáne zeınetkerler 9,7%-dy quraıdy.
"Bilim deńgeıi boıynsha eńbekke jaramdy qandastardyń 16,9%-y joǵary, 22,6%-y orta arnaýly, 55,3%-y jalpy orta bilimi bar, 5,2%-ynyń bilimi joq", - delingen habarlamada.