Memleket basshysy Qasym-Jomart Toqaev buqaralyq aqparat quraldary qyzmetkerleriniń kúnimen quttyqtady, dep habarlaıdy almaty-akshamy.kz.
Qurmetti jýrnalıser! Buqaralyq aqparat quraldarynyń qyzmetkerleri! Sizderdi kásibı merekelerińizben quttyqtaımyn! Elimizdiń buqaralyq aqparat quraldary qoǵam sanasyn jańǵyrtyp, ult tutastyǵyn nyǵaıtý jolynda aıryqsha ról atqarady. Baspasóz salasyn damytý, sondaı-aq jýrnalıserdiń quqyqtary men zańdy múddelerin qorǵaý – memlekettiń mańyzdy mindetiniń biri. Qazaq jýrnalısıkasynyń taǵylymdy tarıhy, aǵa býyn qalyptastyrǵan erekshe qoltańbasy bar. Biz onyń baı shejiresi men aǵartýshylyq dástúrin barynsha saqtaýymyz qajet. Búgingi aqparat salasynyń ókilderi osy sabaqtastyqty laıyqty jalǵastyryp, ózine júktelgen jaýapty mısıany abyroımen atqaryp keledi. Sizder qaı kezde de halyqqa shynaıy ári jedel habar taratyp, kásibı biliktiliktiń ozyq úlgisin kórsetip júrsizder. Bolashaqta da eldik máselelerdi kóterip, ulttyq qundylyqtardy nasıhattaýǵa belsene atsalysa beresizder dep senemin. Barshańyzǵa baq-bereke, tolaǵaı tabys, shyǵarmashylyq shabyt tileımin!