Bul týraly "Habar" agenttiginiń basqarma tóraǵasy Berik Ýálı jazdy.
Qordyń jumysy az qamtylǵan otbasylardan shyqqan jas jýrnalıserdiń materıaldyq jaǵdaıyn jaqsartýǵa baǵyttalǵan, dep habarlaıdy Almaty-akshamy.kz
«Bizdiń áriptester, tilshilerdiń tynymsyz tirshiligi týraly aıtqanda, birinshi kezekte Sheraǵańnyń qanatty sózi eske túsedi. Qaıtalap jatpaıyn, ony bárińiz de bilesizder. Rasynda, 1 jarym mınýttyq sújetke, bir tushymdy maqala men radıohabar úshin jýrnalıs kúni boıy tirnektep materıal jınaıdy, taraptardy tyńdaıdy, jan-jaqty málimet alady, t.b. Sol jumystar kezinde jýrnalısen bólek kózge kórinbeıtin qanshama maman jumys isteıdi. Rejıser, operator, jaryq túsirýshi, montaj ınjeneri, grımór, dybys rejısery, dızaıner, bet qattaýshy, kontent-menedjer tipti kólik júrgizýshisine deıin efırge shyǵatyn teleradıo ónimderi men gazet, jýrnal, saıtta jaryq kóretin dúnıeniń ár mınýty, ár árpi úshin jan aıamaı jumys isteıdi. Bulardyń bári – bir sózben aıtqanda, BAQ qyzmetkerleri. Mine, sol BAQ salasynda aıanbaı eńbek etip júrgen áriptesterge aqjoltaı jańalyǵymdy jetkizgim keledi. Elordada «Jýrnalıserdi qoldaý qaıyrymdylyq qory» quryldy. Bul byltyr kóktemde bastalǵan jumys edi, jaqynda resmı tirkelip, qujatymyz qolymyzǵa tıdi», - dedi ol.
Qordyń jumysy az qamtylǵan otbasylardan shyqqan jas jýrnalıserdiń, jalǵyzbasty jáne kóp balaly jýrnalıserdiń materıaldyq jaǵdaıyn jaqsartýǵa, jas mamandardyń jumysqa ornalasýyna járdemdesýge, baspana máselesiniń sheshilýine yqpaldasýǵa jáne quqyqtyq kómek kórsetýge baǵyttalǵan.
«Sonymen qatar, atalǵan uıym jýrnalıserdiń bedelin arttyrý, kásibı-shyǵarmashylyq múddesin, avtorlyq jáne sabaqtas quqyqtaryn, ar-namysyn, iskerlik bedelin qorǵaý, eńbek, turmys jáne demalys jaǵdaılaryn jaqsartý, ardager jýrnalıserge tıisti deńgeıde qurmet kórsetý maqsatymen kásiptik odaqtarmen yntymaqtastyq ornatýdy da josparlap otyr. Osy oraıda, alǵashqy qadamdar da jasaldy. Nátıjesin aldaǵy ýaqytta jarıa etemiz. Áriptesterimizdiń qandaı da bir ótinishterin bilikti ardager jýrnalıser men qoǵam belsendilerinen qurylǵan arnaıy komısıa qaraıtyn bolady. Aldaǵy ýaqytta uıymnyń jumysy týraly qosymsha habarlap otyratyn bolamyz», - dedi Berik Ýálı.