«Alatau Aqparat» medıaholdıngi men Eýrazıa ǵylymı-zertteý ınstıtýty arasyndaǵy yntymaqtastyq týraly memorandým sheńberinde jýrnalıser túrik tilin tegin úırendi. Qazan aıynda bastalǵan kýrstar aıaqtalyp, qatysýshylarǵa Qoja Ahmet Iassaýı atyndaǵy Halyqaralyq qazaq-túrik ýnıversıteti lıngvısıkalyq ortalyǵynyń arnaıy sertıfıkaty berildi. 
Sertıfıkat tabystaý saltanatyna Túrkıa Respýblıkasynyń Almaty qalasyndaǵy bas konsýly Evren Múderrisoǵlý, «Alatau Aqparat» medıaholdınginiń Bas dırektory Erjan Qalymbaıuly, Eýrazıa ǵylymı-zertteý ınstıtýtynyń dırektory Sýat Beılúr, TÚRKSOI Jazýshylar odaǵynyń tóraǵasy Ulyqbek Esdáýlet, sondaı-aq BAQ ókilderi qatysty.
Jýrnalıser túrik tilin meńgere otyryp, Túrkıa men ózge de túrkitildes elderdiń BAQ-tarynda taǵylymdamadan ótýge múmkindik aldy. 
Eýrazıa ǵylymı-zertteý ınstıtýtynyń dırektory Sýat Beılúr jýrnalıserdi kýrstyń aıaqtalǵanymen quttyqtap, izgi tilegin bildirdi:
«Alǵan bilimderińiz qaıyrly bolsyn! Úırengenderińizdi umytpaı, áriqaraı jetildirseńizder, paıdaǵa asatynyna senimim mol. Igilikke jarasyn!», – dedi ol.
Aıta ketetin jáıt, byltyr mamyrda «Alatau Aqparat» medıaholdıngi men Eýrazıalyq ǵylymı-zertteý ınstıtýty arasynda yntymaqtastyq týraly memorandýmǵa qol qoıylǵan edi. Jýrnalıserge túrik tilin Túrkıadan Almatyǵa arnaıy kelgen oqytýshy úıretti.
«Ýaqytymdy bos ótkizbegenime qýanyp turmyn. Mine, búgin túrik tilin tegin úırenip, Qoja Ahmet Iassaýı atyndaǵy Halyqaralyq qazaq-túrik ýnıversıteti lıngvısıkalyq ortalyǵynyń arnaıy sertıfıkatyn alyp otyrmyn. Meniń oıymsha, til úırený eshqashan kesh emes. Búginge deıingi úırengenderim aldaǵy ýaqytta maǵan paıdasyn tıgizetinine senemin. Osy sátti paıdalana otyryp, bizge tegin til úırenýge múmkindik jasaǵan «Alatau Aqparat» medıaholdınginiń basshysy Erjan Qalymbaıulyna jáne Eýrazıa ǵylymı-zertteý ınstıtýtynyń qoldaýymen Túrkıadan arnaıy kelip, bizdi oqytqan Neshe Iyldyrym hanymǵa alǵys aıtamyn», – deıdi «Almaty aqshamy» gazetiniń jýrnalısi Quralaı Imanbekqyzy.
